കളിയാക്കിയതും വിമര്‍ശിച്ചതും മതി, പ്രചരിക്കുന്നത് റാണുവിന്റെ ഫോട്ടോഷോപ്പ് ചെയ്ത ചിത്രങ്ങള്‍; യഥാര്‍ത്ഥ ഫോട്ടോ പുറത്ത് വിട്ട് മേക്കപ്പ് ആര്‍ട്ടിസ്റ്റ്

സോഷ്യല്‍ മീഡിയ ഗായിക റാണു മണ്ഡലിന്റെ മേക്കോവറായിരുന്നു ഈയിടെ സമൂഹമാധ്യമങ്ങള്‍ ഏറ്റവും കൂടുതല്‍ ആഘോഷിച്ചത്. ഹെവി മേക്കപ്പും തിളക്കമുള്ള വസ്ത്രങ്ങളും ആഭരണങ്ങളുമണിഞ്ഞെത്തിയ റാണുവിനെ സോഷ്യല്‍ മീഡിയ ട്രോളി കൊന്നുവെന്ന് വേണം പറയാന്‍. റാണുവിനെ ഒരുക്കിയ മേക്കപ്പ് ആര്‍ട്ടിസ്റ്റ് സന്ധ്യയെയും വെറുതെ വിട്ടില്ല. രൂക്ഷമായ വിമര്‍ശനമാണ് സന്ധ്യക്ക് നേരെ ഉയര്‍ത്തിയത്. എന്നാല്‍ സോഷ്യല്‍ മീഡിയ വഴി പ്രചരിക്കുന്നത് റാണുവിന്റെ ഫോട്ടോഷോപ്പ് ചെയ്ത ചിത്രങ്ങളാണെന്ന് വ്യക്തമാക്കി രംഗത്തെത്തിയിരിക്കുകയാണ് സന്ധ്യ. ഒപ്പം യഥാര്‍ത്ഥ ചിത്രം പുറത്തുവിടുകയും ചെയ്തിട്ടുണ്ട്.

View this post on Instagram

As you can see, this is the difference between the work that we have done and the 'Fake' picture that has been edited to an extent. All the jokes and trolls are fine and they make us laugh too but to hurt someone sentiments, that's not a very good thing to do. We truly hope that you all will understand the truth and realise the difference between the fake one and the one that is genuine. That's all we ask for.

A post shared by sandhyasmakeover (@sandhyasmakeover) on Nov 19, 2019 at 1:09am PST

'കളിയാക്കിയതും വിമര്‍ശിച്ചതും മതി. ഇതൊക്കെ ഒരുപരിധി കഴിഞ്ഞാല്‍ ആസ്വദിക്കാന്‍ കഴിയില്ല. മറ്റുള്ളവരുടെ വികാരത്തെ ഇത്തരം കളിയാക്കലുകള്‍ സാരമായി ബാധിക്കും. മേക്കപ്പ് ചെയ്ത ചിത്രവും എഡിറ്റ് ചെയ്ത ചിത്രവും കൊടുത്തിട്ടുണ്ട്. ഇവ പരിശോധിച്ചാല്‍ സത്യാവസ്ഥ മനസ്സിലാകും', സന്ധ്യ കുറിച്ചു.

അന്‍പതുകാരിയായ റാണുവിന്റെ മേക്കോവര്‍ ചിത്രങ്ങള്‍ക്ക് പിന്നാലെ വലിയ രീതിയിലുള്ള പരിഹാസമാണ് മേക്കപ്പ് ആര്‍ട്ടിസ്റ്റിനടക്കം നേരിടേണ്ടി വന്നത്..'കണ്ടിട്ട് പേടിയാകുന്നു, നല്ല തമാശയായിട്ടുണ്ട്, ദാരിദ്ര്യത്തില്‍ നിന്ന് ഒറ്റരാത്രി കൊണ്ട് രക്ഷപ്പെട്ടപ്പോള്‍ നില മറന്നതാണ്' എന്നു തുടങ്ങിയ വിമര്‍ശനങ്ങള്‍ റാണുവിനെതിരെ ഉയര്‍ന്നിരുന്നു. റാണുവിന്റെ യഥാര്‍ത്ഥ നിറം കളഞ്ഞ് എന്തിനാണ് വെളുപ്പിച്ച് ഓവറാക്കിയതെന്നും ചിലര്‍ ചോദിച്ചു.

View this post on Instagram

Come and take the tour with us and see the journey on how we transformed social media singing sensation Ranu Mandal along with gorgeous and beautiful Aashi bagha, Ujjawal Dua and Vidhya who are no less than angels in real life. @sandhyasmakeover had the chance to work with all these lovely ladies to which we feel proud. And for all the trolls and jokes, we love them and they made us laugh too but after some extent they have to stop. But all the criticism that we face will help us grow more for the future. Come to @sandhyasmakeover for your makeup and we will provide you the best ever look.

A post shared by sandhyasmakeover (@sandhyasmakeover) on Nov 17, 2019 at 8:48am PST

പീച്ച് നിറത്തിലുള്ള ലഹങ്കയും അതിന് അനുസരിച്ചുള്ള ആഭരണങ്ങളുമൊക്കെയായിട്ടാണ് സന്ധ്യ റാണുവിനെ അണിയിച്ചൊരുക്കിയത്. കാൺപൂരിൽ തന്റെ പുതിയ മേക്കോവർ സലൂൺ ആരംഭിക്കുന്നതിന്റെ ഭാഗമായി കംപ്ലീറ്റ് മേക്കോവറിനായി റാണുവിനെ സന്ധ്യ ക്ഷണിക്കുകയായിരുന്നു.

റയില്‍വെ സ്റ്റേഷന്‍ പ്ലാറ്റ്ഫോമില്‍ പാടിക്കൊണ്ടിരുന്ന റാണുവിനെ സോഷ്യല്‍ മീഡിയയാണ് പ്രശ്സതയാക്കിയത്. ലതാ മങ്കേഷ്‌കറുടെ ‘ ഏക് പ്യാർ കാ നഗ്മ ഹായ്’ എന്ന ഗാനം ആലപിച്ചാണ് റാണു സംഗീതാസ്വാദകരുടെ മനം കവര്‍ന്നത്. ഇതിന് പിന്നാലെ സംഗീതസംവിധായകൻ ഹിമേഷ് രേഷ്മിയ ‘ഹാപ്പി ഹർദി ആൻഡ് ഹീർ’ എന്ന ചിത്രത്തിൽ പാടാൻ അവർക്ക് അവസരം കൊടുത്തിരുന്നു. ഷാഹിദ് കപൂറും കരീന കപൂറും അഭിനയിച്ച 36 ചൈന ടൗൺ എന്ന ചിത്രത്തിലെ ‘ആഷികി മെൻ തേരി’ എന്ന ഗാനത്തിന്റെ പുതിയ പതിപ്പും അവർ റെക്കോർഡ് ചെയ്തിരുന്നു