ദേശീയപാതയിൽ കടുവക്കുട്ടി ചത്ത നിലയിൽ

മധ്യപ്രദേശിൽ ദേശീയപാത മുറിച്ചുകടക്കുന്നതിനിടെ വാഹനമിടിച്ച് കടുവ ചത്തു. 12 ​മാസം പ്രായമുള്ള പെൺകടുവയാണ്​ ചത്തത്​. വെള്ളിയാഴ്​ച പുലർച്ചെ ഉമരിയ ജില്ല ആസ്ഥാനത്തുനിന്ന്​ കിലോമീറ്റർ അകലെ ദേശീയപാത 43ലാണ്​ സംഭവം. അജ്​ഞതാ വാഹനം കടുവയെ ഇടിക്കുകയായിരുന്നുവെന്ന് ഉമരിയ ഫോറസ്റ്റ് ഡിവിഷനിലെ ഗുൻഗുട്ടി റേഞ്ച് അധികൃതർ പറഞ്ഞു.

പ്രദേശത്ത്​ കുറഞ്ഞകാലത്തിനുള്ളിലെ രണ്ടാമത്തെ സംഭവമാണിത്​. വാഹനങ്ങൾ കയറി കടുവയുടെ മൃതദേഹം വികൃതമായിട്ടുണ്ടെന്നും​ ഫോറസ്റ്റ് ഓഫിസർ മോഹിത് സൂഡ്​ പറഞ്ഞു.ഫോറൻസിക് പരിശോധന നടത്തിവരികയാണ്​. ഇത്​ ബന്ദവ്ഗഡ് കടുവ സംരക്ഷണ കേന്ദ്രത്തിൽ നിന്നുള്ളതല്ലെന്നും ഫോറസ്റ്റ് ഓഫിസർ വ്യക്തമാക്കി.

ഇത്തരം അപകടങ്ങൾ ആവർത്തിക്കാതിരിക്കാൻ, റോഡുകളിൽ മുന്നറിയിപ്പ്​ ബോർഡുകൾ സ്ഥാപിക്കാൻ വനം വകുപ്പ് ഉദ്യോഗസ്ഥർക്ക്​ നിർദേശം നൽകിയിട്ടുണ്ട്​. കൂടാതെ സ്​പീഡ്​ ബ്രേക്കറുകൾ നിർമിക്കാൻ ദേശീയപാത അതോറിറ്റിയോടും ആവശ്യശപ്പെട്ടിട്ടുണ്ട്​.