"കള്ളം പറയുന്നത് എന്തിന് ? യുപിയിലുള്ളത് ഓക്സിജന്‍ അടിയന്തരാവസ്ഥ"

സംസ്ഥാനത്ത് ഓക്സിജൻ ക്ഷാമമില്ലെന്ന യു.പി മുഖ്യമന്ത്രിക്കെതിരെ കോൺ​ഗ്രസ് നേതാവ് പ്രിയങ്ക ​ഗാന്ധി. നിർവികാരമായ ഒരു സർക്കാരിനേ ദുരിത ഘട്ടത്തിലും ഇങ്ങനെ കള്ളം പറയാൻ സാധിക്കൂവെന്ന് പ്രിയങ്ക കുറ്റപ്പെടുത്തി. യു.പിയിലെ കോവിഡ് ആശുപത്രികളിലോ സ്വകാര്യ ആശുപത്രികളിലോ ഓക്സിജൻ ക്ഷാമം ഇല്ലെന്നാണ് യോ​ഗി പറഞ്ഞത്. എന്നാൽ, ഓക്സിജൻ ക്ഷാമം സംബന്ധിച്ച പത്രറിപ്പോർട്ടുകൾ പങ്കുവെച്ച പ്രിയങ്ക ​ഗാന്ധി, സംസ്ഥാനത്ത് ഓക്സിജൻ അടിയന്തരാവസ്ഥയാണെന്ന് ട്വിറ്ററിൽ പറഞ്ഞു.

इस संकट के समय जनता से झूठ बोलने की सजा क्या होनी चाहिए?

जरा खुद को उन मरीजों की जगह रखकर देखिए जिनको कहा जाता है ऑक्सीजन की कमी की वजह से दाखिला नहीं मिलेगा। ऑक्सीजन कम है मरीज ले जाओ।

संवेदनहीन सरकार ही ऐसा वक्तव्य देगी। pic.twitter.com/JQxNFRMInT

— Priyanka Gandhi Vadra (@priyankagandhi) April 25, 2021

ഓക്സിജൻ ഇല്ലാത്തതിനാൽ ആശുപത്രിയിൽ ചികിത്സ നിഷേധിച്ച സംഭവങ്ങൾ റിപ്പോർട്ട് ചെയ്യുന്നു. ഈ രോ​ഗികളുടെ സ്ഥാനത്ത് യോ​ഗി സ്വയമൊന്ന് സങ്കൽപ്പിക്കാൻ ശ്രമിക്കണമെന്നും പ്രിയങ്ക ​ഗാന്ധി പറഞ്ഞു. ഓക്സിജൻ ക്ഷാമത്തെ കുറിച്ച് വ്യാജ വാർത്ത പ്രചരിപ്പിക്കുന്നവരുടെ സ്വത്തുക്കൾ കണ്ടുകെട്ടി നടപടിയെടുക്കുമെന്ന യോ​ഗിയുടെ പ്രസ്താവന ചൂണ്ടിക്കാട്ടിയ ​ഗാന്ധി, വേണമെങ്കിൽ തന്റെ സ്വത്ത് പിടിച്ചെടുത്തോളു പക്ഷേ ദൈവത്തെയോർത്ത് സാഹചര്യത്തിന്റെ ​ഗുരുതരാവസ്ഥ മനസ്സിലാക്കണമെന്ന് പറഞ്ഞു.

मुख्यमंत्रीजी, पूरे उप्र में ऑक्सीजन इमरजेंसी है। आपको मेरे ऊपर केस लगाना है, सम्पत्ति ज़ब्त करनी है, तो अवश्य करें।

मगर भगवान के लिए स्थिति की गम्भीरता को पहचानिए और तुरंत लोगों की जान बचाने के काम में लगें। pic.twitter.com/A5ghiyx5jY

— Priyanka Gandhi Vadra (@priyankagandhi) April 25, 2021

ഈയൊരു ദുരന്ത നേരത്തും ജനങ്ങളോട് നുണ പറയുന്നത് എന്തിനുവേണ്ടിയാണ് ? യു.പിയിൽ ഓക്സിജൻ അടിയന്തരാവസ്ഥയാണുള്ളത്. ജനങ്ങളുടെ ജീവൻ രക്ഷിക്കാൻ നടപടിയുണ്ടാകണം. ഒട്ടും വികാരമില്ലാത്ത സർക്കാറിനെ ഇത്തരത്തിൽ യാഥാർഥ്യത്തോട് മുഖം തിരിച്ച് നിൽക്കാൻ സാധിക്കുകയുള്ളൂവെന്നും പ്രിയങ്ക ​ഗാന്ധി പറഞ്ഞു.