റഷ്യയുടെയും ഹിസ്​ബുല്ലയുടെയും സഹായം പേരിന്​ മാത്രം; വടക്കൻ സിറിയയിൽ തകർന്നടിഞ്ഞ്​ അസദിന്റെ സൈന്യം

നാല്​ വർഷം മുമ്പാണ്​ സിറിയയിൽ പ്രസിഡൻറ്​ ബശ്ശാർ അൽ അസദി​െൻറ നേതൃത്വത്തിൽ സൈന്യം രാജ്യത്തെ ആഭ്യന്തര യുദ്ധം അടിച്ചമർത്തുന്നത്​. റഷ്യയടക്കമുള്ള വിദേശ ശക്​തികളുടെ പിൻബലത്തോടെയായിരുന്നു വിജയം കൈവരിച്ചത്​. എന്നാൽ, ഇന്ന്​ വിമത ​സായുധ വിഭാഗമായ ഹൈഅത്​ തഹ്​രീർ അശ്ശാമി​െൻറ മുന്നേറ്റത്തിൽ അസദി​െൻറ സ്വാധീന മേഖലകളെല്ലാം തകർത്തെറിയപ്പെടുകയാണ്​. സിറിയൻ തലസ്​ഥാനമായ ഡമസ്​കസ്​ ലക്ഷ്യമാക്കി നീങ്ങുകയാണ്​ വിമത സേന. വടക്കൻ സിറിയയിലെ അ​ലപ്പോ, ഹമാ എന്നീ നഗരങ്ങൾ പിടിച്ചെടുത്ത്​ ഇപ്പോൾ ഹിംസി​െൻറ അടുത്തെത്തിയിരിക്കുന്നു​. ഹിംസിൽ രൂക്ഷമായ പോരാട്ടമാണ്​ നടക്കുന്നത്​. അടുത്ത ലക്ഷ്യം തലസ്​ഥാനാമയ ദമസ്​കസാണെന്നും വിമതർ വ്യക്​തമാക്കുന്നു.

നാല്​ വർഷം മുമ്പ്​ യുദ്ധം അവസാനിച്ചതോടെ ആഭ്യന്തര-അന്താരാഷ്​ട്ര കക്ഷികൾ സിറിയൻ സർക്കാരുമായുള്ള ബന്ധം പുനഃസ്​ഥാപിച്ചിരുന്നു. ടൂറിസം പ്രോത്സാഹിപ്പിക്കുന്നതി​െൻറ ഭാഗമായി ട്രാവൽ വ്ലോഗർമാരെ ഡമസ്​കസിലേക്കും അലപ്പോയിലേക്കുമെല്ലാം നിരന്തരം സർക്കാർ ക്ഷണിക്കുകയും ചെയ്​തു. നൂറ്റാണ്ടുകളുടെ പൈതൃകമുള്ള നഗരങ്ങൾ കൂടിയാണ്​ ഇവ. ആഭ്യന്തര യുദ്ധത്തിൽ ഈ നഗരങ്ങളിലെ പല ചരിത്രശേഷിപ്പുകളും തകർക്കപ്പെട്ടിരുന്നു.

റഷ്യ, ഇറാൻ, ലെബനാനിലെ ഹിസ്​ബുല്ല എന്നിവരുടെ പിന്തുണയോടെയായിരുന്നു നഷ്​ടപ്പെട്ട ഭൂരിഭാഗം പ്രദേശങ്ങളും നാല്​ വർഷം മുമ്പ്​ അസദ്​ തിരിച്ചുപിടിക്കുന്നത്​. എന്നാൽ, ഇപ്പോൾ തങ്ങളുടെ സഖ്യകക്ഷികൾ മറ്റു പല പ്രശ്​നങ്ങളിൽ മുഴുകിയിരിക്കുകയാണ്​. ഈ സമയം നോക്കിയാണ്​ വിമതരുടെ പടയയോട്ടമുണ്ടാകുന്നത്​​. റഷ്യൻ സൈന്യം യുക്രെയ്​നുമായുള്ള പോരാട്ടത്തിലാണ്​. ഇസ്രായേലുമായുള്ള യുദ്ധത്തിൽ ഹിസ്​ബുല്ലക്ക്​ വലിയ നഷ്​ടങ്ങളാണുണ്ടായിട്ടുള്ളത്​. ഇതിനാൽ തന്നെ വിമതരുമായി പലയിടത്തും സിറിയൻ സൈന്യം ഒറ്റയ്​ക്കാണ്​ പോരാടുന്നത്​. ഹിസ്​ബുല്ലയും ഇസ്രായേലും തമ്മിലുള്ള വെടിനിർത്തൽ കരാർ വന്ന ദിവസം തന്നെയാണ്​ വിമതർ വടക്കൻ സിറിയയിൽ ആക്രമണം തുടങ്ങുന്നത്​.

നേരത്തെ ഇറാ​െൻറയും റഷ്യയുടെയും ഹിസ്​ബുല്ലയുടെയുമെല്ലാം പിന്തുണ സിറിയക്ക്​ ഉണ്ടായിരുന്നു. എന്നാൽ, ഇപ്പോൾ ഇവരുടെ സഹായം വലിയ രീതിയിൽ ലഭിക്കുന്നില്ലെന്ന്​ മിഡിൽ ഈസ്​റ്റിലെ വിദഗ്​ധർ ചൂണ്ടിക്കാട്ടുന്നു. ഇതിനാൽ തന്നെ വിമത വിഭാഗങ്ങളെ ചെറുക്കാൻ സൈന്യത്തിന്​ സാധിക്കുന്നില്ല.

വിമത വിഭാഗത്തെ നയിക്കുന്ന ഹൈഅത്​ തഹ്​രീർ അശ്ശാമിന്​ മറ്റു പല വിമത സേനകളെയും സിറിയൻ സൈന്യത്തിൽനിന്ന്​ പിരിഞ്ഞുപോയവരെയും ഒപ്പംകൂട്ടാൻ സാധിച്ചതും ബലമേകുന്നു. വിമത സൈന്യം ഡ്രോണുകൾ അടക്കമുള്ള സംവിധാനങ്ങളുടെ സഹായത്തോടെയാണ്​ മുന്നോറുന്നത്​. ഇതിന്​ മുന്നിൽ പിടിച്ചുനിൽക്കാനാവാത്ത അവസ്​ഥയിലാണ്​​ സിറിയൻ സൈന്യം.

സൈന്യത്തി​െൻറ പരാജയം സിറിയൻ സർക്കാരി​െൻറ തകർച്ചയുടെ ലക്ഷണമായിട്ടാണ്​ പലരും ചൂണ്ടിക്കാട്ടുന്നത്​. അതേസമയം, സൈനിക മനോവീര്യം വർധിപ്പിക്കുകയെന്ന ലക്ഷ്യത്തോടെ സൈനികരുടെ ശമ്പളം 50 ശതമാനം വർധിപ്പിച്ച്​ പ്രസിഡൻറ്​ അസദ്​ ഉത്തരവിറക്കിയിട്ടുണ്ട്​. സംഘർഷം രൂക്ഷമായതോടെ 3.70 ലക്ഷം പേരാണ്​ ഇതുവരെ പലായനം ചെയ്​തത്​.

റോഡുകൾ തകർത്ത്​ സിറിയൻ സൈന്യം

വിമതരെ ചെറുക്കുകയെന്ന ലക്ഷ്യത്തോടെ ഹമയിൽനിന്ന്​ ഹിംസിലേക്കുള്ള പാതയിലെ പാലം റഷ്യൻ സൈന്യം ബോംബിട്ട്​ തകർത്തതായി റോയി​ട്ടേഴ്​സ്​ റിപ്പോർട്ട്​ ചെയ്യുന്നു. ​പ്രധാന റോഡിൽ നിരവധി ബോംബാക്രമണങ്ങളാണ്​ സിറിയൻ സൈന്യവും നടത്തിയിട്ടുള്ളത്​.

സിറിയൻ-ഇറാഖ് അതിർത്തി എസ്ഡിഎഫ് എന്ന മറ്റൊരു വിമതസംഘവും പിടിച്ചെടുത്തിരിക്കുകയാണ്. കഴിഞ്ഞ വെള്ളിയാഴ്ചയാണ് വിമതർ അലെപ്പോ പിടിക്കുന്നത്. പിന്നാലെ ഹമാ നഗരവും കീഴടക്കി. ഇവിടങ്ങളിൽനിന്നെല്ലാം അസദ് സൈന്യം തോറ്റുപിന്മാറുകയായിരുന്നു.

ഇതേസമയത്തുതന്നെ മറ്റു വിമതസംഘങ്ങൾ ലബനാൻ-ഇറാഖ്-ഇറാൻ അതിർത്തികളുടെ നിയന്ത്രണവും പിടിച്ചെടുത്തു. ഇനി തലസ്ഥാനമായ ഡമസ്‌കസിലേക്ക് നീങ്ങുകയാണെന്ന് എച്ച്ടിഎസ് കമാൻഡർ ഹസൻ അബ്ദുൽ ഗനി പ്രഖ്യാപിച്ചു. ബശ്ശാറുൽ അസദിന്റെ ഭരണം അവസാനിപ്പിക്കുമെന്നും വിമതർ വ്യക്തമാക്കിയിട്ടുണ്ട്​. 2000 മുതൽ അസദാണ്​ സിറിയൻ പ്രസിഡൻറ്​.