വ്യാജ റിവ്യുകൾ വേണ്ട; പേജുകളെ പിടിക്കാനിറങ്ങി ഗൂഗിൾ

ഡൽഹി: വ്യാജ റിവ്യൂകൾ പോസ്റ്റ് ചെയ്യുന്ന ബിസിനസ് പേജുകൾക്കെതിരെ കനത്ത നടപടിയു​മായി ഗൂഗിൾ മാപ്പ്. വ്യാജ റിവ്യൂകൾ കണ്ടെത്തി നീക്കം ചെയ്യുമെന്നും അവ പോസ്റ്റ് ചെയ്ത പേജുകൾക്കെതിരെ നടപടി സ്വീകരിക്കുമെന്നും ഗൂഗിൾഅറിയിച്ചു.

ആപ്പിന്റെ വിശ്വാസ്യത വർദ്ധിപ്പിക്കുന്നതിന്റെ ഭാഗമായിട്ടാണ് ഇത്തരം നടപടികൾ. നിലവിൽ ഗൂഗിളിന്റെ നയങ്ങൾ ലംഘിക്കുന്ന ബിസിനസ് പേജുകളെ ​േബ്ലാക്ക് ചെയ്യും. പേജിൽ നിന്ന് റിവ്യൂകൾ ഒഴിവാക്കുകയും ചെയ്യും. പുതിയ റിവ്യുകളും റേറ്റിംഗുകളും തടയുകയും ചെയ്യും. വ്യാജ റിവ്യൂകൾ കൊടുത്ത ബിസിനസ് പേജുകൾക്ക് മുന്നറിയിപ്പ് നൽകുകയും ചെയ്‌തിട്ടുണ്ട്.

ഈ വർഷം ആദ്യം യുകെയിൽ ഇത് നടപ്പാക്കിയിരുന്നു. എന്നാൽ, ആഗോള തലത്തിൽ സെപ്റ്റംബർ പകുതിയോടെ നടപ്പാക്കിയതായി റിപ്പോർട്ടുകൾ പുറത്തുവരുന്നുണ്ട്. ഒന്നിലധികം അക്കൗണ്ടുകൾ ഉപയോഗിച്ച് റേറ്റിംഗുകളെയും റിവ്യുകളെയും കൈകാര്യം ചെയ്യുന്ന ബിസിനസ് പേജുകളെയും ഗൂഗിൾ നിയന്ത്രിക്കും