ഹമാസിനെ തകർക്കുക അസാധ്യം; യുദ്ധം ഉടന്‍ അവസാനിപ്പിക്കണമെന്ന് ഇസ്രായേല്‍ മുന്‍പ്രധാനമന്ത്രി

ജറുസലെം: ഗസ്സയിൽ ഹമാസിനെ ഇല്ലാതാക്കുക സാധ്യമല്ലെന്ന് ഇസ്രായേൽ മുൻ പ്രധാനമന്ത്രി യെഹൂദ് ഓൽമെർട്ട്. യുദ്ധം ഉടൻ അവസാനിപ്പിക്കണമെന്നും യെഹൂദ് ഓൽമെർട്ട് ഹാരെറ്റ്സിൽ എഴുതിയ ലേഖനത്തിൽ ആവശ്യപ്പെട്ടു.

ഹമാസിനെ പരാജയപ്പെടുത്തുന്നതിന് ഇസ്രായേല്‍ ഇനിയും ഒരുപാട് ദൂരം സഞ്ചരിക്കാനുണ്ട്. ഇസ്രായേലിന്‍റെ വരുംദിവസങ്ങള്‍ കൂടുതല്‍ ദുഷ്കരമാകും. ഗസ്സയിലെ വംശഹത്യയാണ് പ്രധാന ലക്ഷ്യമെന്ന് നെതന്യാഹു സമ്മതിച്ചതു മുതല്‍ ഹമാസിന്‍റെ പരാജയപ്പെടുത്താനാവില്ലെന്ന് പ്രഖ്യാപിക്കപ്പെട്ടതായി യെഹൂദ് ലേഖനത്തില്‍ പറയുന്നു.ഹമാസിനെ ഉന്മൂലനം ചെയ്യാനുള്ള ലക്ഷ്യം നെതന്യാഹുവിന്‍റേത് മാത്രമാണ്. അത് ഇസ്രായേലികള്‍ക്കു വേണ്ടിയുള്ളതല്ല. ഗസ്സ തകര്‍ന്നുകൊണ്ടിരിക്കുകയാണ്. ഹമാസ് പോരാളികള്‍ ഉള്‍പ്പെടെ ആയിരക്കണക്കിനാളുകള്‍ കൊല്ലപ്പെട്ടിട്ടുട്ടെങ്കിലും ഹമാസിന്‍റെ നാശം അകലെയാണ്. അവരുടെ നേതാവ് യഹിയ സിന്‍വര്‍ കൊല്ലപ്പെടുകയാണെങ്കില്‍ പോലും അത് നേടാനാവില്ല.

ഗസ്സ മുനമ്പിലെ സ്ഥിതി വ്യത്യസ്തമാണെങ്കില്‍ പോലും ഹമാസിന്‍റെ നാശത്തെക്കുറിച്ച് ചിന്തിക്കുന്ന ആർക്കും അത് സൈനികമായി അസാധ്യമാണെന്ന് കാണാൻ കഴിയുമെന്നും അദ്ദേഹം കൂട്ടിച്ചേർത്തു. 2014ലെ യുദ്ധത്തിനു ശേഷം ഗസ്സയുടെ മണ്ണില്‍ മറിഞ്ഞിരിക്കുന്ന തുരങ്കങ്ങളുടെ തുരങ്കങ്ങളുടെ ശൃംഖലയുണ്ടെന്ന് മനസ്സിലാക്കാൻ ആവശ്യമായ വിവരങ്ങൾ ഇസ്രയേലി ഇന്‍റലിജന്‍സിന്‍റെ പക്കലുണ്ടെന്ന് അദ്ദേഹം വെളിപ്പെടുത്തി.

''ഹമാസിന്‍റെ പരാജയം ഇപ്പോഴും കയ്യെത്താദൂരത്താണ്. ഒക്ടോബര്‍ 7ലെ യുദ്ധത്തിനു ശേഷം കാര്യങ്ങള്‍ നിയന്ത്രണത്തില്‍ കൊണ്ടുവരാന്‍ ഞങ്ങള്‍ക്ക് സാധിച്ചിട്ടില്ല. കൂടുതൽ സൈനികർ മരിക്കുകയും ഗസ്സയിലെ നാശത്തിന്‍റെ കൂടുതൽ വേദനാജനകമായ ദൃശ്യങ്ങൾ കാണുകയും ചെയ്യുന്നതിനാൽ ബുദ്ധിമുട്ടുള്ള ദിവസങ്ങൾ നാം പ്രതീക്ഷിക്കണം.ചിലത് അധിനിവേശത്തിൽ കനത്ത നിഴലുകൾ വീഴ്ത്തുന്നു. അത് ഏറ്റവും സൗഹൃദ രാജ്യങ്ങൾ പോലും കാണിച്ച പിന്തുണയെയും ക്ഷമയെയും മറികടക്കും.എന്താണ് ചെയ്യേണ്ടത്? ഇസ്രായേൽ എല്ലാ യുദ്ധങ്ങളും അവസാനിപ്പിച്ച് ബന്ദികളാക്കിയവരെയും മരിച്ചവരെയും ജീവിച്ചിരിക്കുന്നവരെയും തിരികെ കൊണ്ടുവരിക എന്നതാണ്''. യുദ്ധത്തിന്‍റെ രണ്ടാം ഘട്ടം ആരംഭിക്കുന്നതിനു മുന്‍പ് ഇസ്രായേല്‍ നിർണായകമായ ഒരു തീരുമാനം എടുക്കണമെന്ന് ഓൾമെർട്ട് പറഞ്ഞു. ഇത് എല്ലാ ശത്രുതകളും അവസാനിപ്പിക്കാനും ഗസ്സയുടെ വിധി നിർണ്ണയിക്കുന്ന ചർച്ചകളിലൂടെ എല്ലാ ബന്ദികളെ തിരികെ കൊണ്ടുവരാനും പ്രേരിപ്പിക്കുമെന്നും അദ്ദേഹം കൂട്ടിച്ചേര്‍ത്തു.

യുദ്ധാനന്തരം ഹമാസ് പ്രസ്ഥാനം വളരെ ദുർബലമാകുമെന്നും എന്നാൽ ഗസ്സയുടെ അതിർത്തിയിൽ അത് നിലനിൽക്കുമെന്നും അദ്ദേഹം പറഞ്ഞു. നെതന്യാഹുവിനെ വിമര്‍ശിച്ച ഒല്‍മെര്‍ട്ട് അദ്ദേഹത്തിന്‍റെ ലക്ഷ്യങ്ങള്‍ ഒരിക്കലും നേടാനാവില്ലെന്നും പറഞ്ഞു.'' ഇസ്രായേൽ സൈന്യം ഗസ്സയിൽ യുദ്ധം ചെയ്യുകയും കനത്ത നാശനഷ്ടങ്ങൾ നേരിടുകയും ചെയ്തിട്ടുണ്ടെങ്കിലും നെതന്യാഹുവിന്‍റെ പ്രഖ്യാപിത ലക്ഷ്യങ്ങൾ കൈവരിക്കാൻ ഒരു സാധ്യതയുമില്ല. ഹമാസിന്‍റെ നാശം ഉണ്ടാകില്ല," അദ്ദേഹം ലേഖനത്തില്‍ എഴുതി.