ലബനാനിൽ വെടിനിർത്തൽ ലംഘിച്ച് ഇസ്രായേൽ; 11 പേർ കൊല്ലപ്പെട്ടു

ബെയ്​റൂത്ത്​: ലബനാനിൽ വെടിനിർത്തൽ ലംഘിച്ച്​ വീണ്ടും ഇസ്രായേൽ ആക്രമണം. വ്യോ​മാ​ക്ര​മ​ണ​ങ്ങ​ളി​ൽ 11 പേർ കൊല്ലപ്പെട്ടു. ബു​ധ​നാ​ഴ്ച നി​ല​വി​ൽ​വ​ന്ന വെ​ടി​നി​ർ​ത്ത​ൽ തു​ട​ർ​ച്ച​യാ​യി ലം​ഘി​ച്ചാണ്​ ദക്ഷിണ ലബനാനിൽ ഇസ്രായേൽ വ്യോ​മാ​ക്ര​മ​ണ​വും ​ വെ​ടി​വെ​പ്പും ന​ട​ത്തു​ന്നത്​.

ലബനാനിൽ ഹിസ്​ബുല്ലയുമായുള്ള വെടിനിർത്തൽ യുദ്ധാറുതിയല്ലെന്ന്​ ഇസ്രായേൽ പ്രധാനമന്ത്രി നെതന്യാഹു പറഞ്ഞു. ഹിസ്​ബുല്ലയുടെ ഭാഗത്തുനിന്നുള്ള ചെറിയ നീക്കത്തിന്​ പോലും കനത്ത തിരിച്ചടി നൽകുമെന്നും നെതന്യാഹു മുന്നറിയിപ്പ്​ നൽകി.

ഇ​രു​പ​ക്ഷ​വും ആ​ക്ര​മ​ണം പൂ​ർ​ണ​മാ​യി നി​ർ​ത്ത​ണ​മെ​ന്ന്​ ഫ്രാൻസ്​ ആവശ്യപ്പെട്ടു. വെടിനിർത്തൽ കരാർ മാനിക്കണമെന്ന്​ ഇസ്രായേലിനോട്​ യു.എസ്​ ദേശീയ സുരക്ഷാ ഉപേദേഷ്ടാവ്​ ജെയ്​ക്​ സള്ളിവനും നിർദേശിച്ചതായി റിപ്പോർട്ടുണ്ട്​.

ഗസ്സയിലും ഇസ്രായേൽ ആക്രമണം രൂക്ഷമായി തുടരുകയാണ്​. 36 ഫലസ്തീനികളാണ്​ വിവിധ ആക്രമണങ്ങളിൽ ഇന്നലെ കൊല്ലപ്പെട്ടത്​. കരീം ഷാലോം അതിർത്തി മുഖേനയുള്ള സഹായട്രക്കുകളുടെ വരവ്​ നിലച്ചതും സന്നദ്ധ സംഘടനകളുടെ പിൻമാറ്റവും ഗസ്സയിൽ പട്ടിണിക്ക്​ ആക്കംകൂട്ടിയതായി യു.എൻ ചൂണ്ടിക്കാട്ടി. ഗ​സ്സ​യി​ൽ ഭക്ഷ്യ​വ​സ്തു​ക്ക​ൾ​ക്ക് ച​രി​ത്ര​ത്തി​ലെ ഏ​റ്റ​വും വ​ലി​യ ക്ഷാ​മ​മാ​ണ് നേ​രി​ടു​ന്ന​തെ​ന്ന് യു.​എ​ൻ അറിയിച്ചു.

അതിനിടെ, യു​ദ്ധാ​ന​ന്ത​ര ഗ​സ്സ​യു​ടെ ഭ​ര​ണം കൈ​യാ​ളാ​ൻ രാ​ഷ്ട്രീ​യ​മാ​യി സ്വ​ത​ന്ത്ര​ ഉ​ദ്യോ​ഗ​സ്ഥ സ​മി​തി​യെ നി​യ​മി​ക്കാ​നു​ള്ള ക​രാ​റി​ൽ ഹ​മാ​സും ഫ​ത​ഹും ഉ​ട​ൻ ഒ​പ്പു​വെ​ക്കു​മെ​ന്ന് റി​പ്പോ​ർ​ട്ട്. 12 മുതൽ 15 വരെ അംഗങ്ങളാകും സമിതിയിൽ. ഗ​സ്സ​യി​ൽ ഹ​മാ​സ് ഭ​ര​ണം പൂ​ർ​ണ​മാ​യി അ​വ​സാ​നി​പ്പി​ക്കു​ന്ന നീ​ക്കം വെ​ടി​നി​ർ​ത്ത​ൽ ച​ർ​ച്ച​ക​ളി​ൽ നി​ർ​ണാ​യ​ക​മാ​യേക്കുമെന്നാണ്​ വിലയിരുത്തൽ. ഉ​ദ്യോ​ഗ​സ്ഥ​ർ ആ​രൊ​ക്കെ എ​ന്ന​ത​ട​ക്കം വി​ഷ​യ​ങ്ങ​ളി​ൽ ഉടൻ ധാ​ര​ണയായേക്കും.