ഗസ്സയിൽ വെടിനിർത്തൽ; ഖത്തറിൽ അമേരിക്കയുടെ നേതൃത്വത്തിൽ ചർച്ചക്ക്​ നീക്കം

ദുബൈ: ഇസ്രായേൽ ​ആക്രമണം തുടരുന്നതിനിടെ ഗ​സ്സ​യി​ലെ വെ​ടി​നി​ർ​ത്ത​ലി​നാ​യി ഖത്തറിൽ അമേരിക്കയുടെ നേതൃത്വത്തിൽ ചർച്ചകൾക്ക്​ നീക്കം. ദോഹയി​ലെ​ത്തി​യ യുഎ​സ് വി​ദേ​ശ​കാ​ര്യ സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ ​ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​റ​ഹ്മാ​ൻ ആ​ൽ ഥാ​നി​യു​മാ​യി ച​ർ​ച്ച ന​ട​ത്തി. ചർച്ച ഉടൻ പുനരാരംഭിക്കുമെന്നാണ്​ ആന്‍റണി ബ്ലിങ്കൻ അറിയിച്ചത്​. എന്നാൽ ഇസ്രായേലും ഹമാസും ഇക്കാര്യത്തിൽ പ്രതികരണം അറിയിച്ചിട്ടില്ല. യഹ്​യ സിൻവാറിന്‍റെ കടുത്ത നിലപാടാണ്​ വെടിനിർത്തൽ ചർച്ചക്ക്​ തിരിച്ചടിയായതെന്ന്​ ആന്‍റണി ബ്ലിങ്കൻ ആരോപിച്ചു. എന്നാൽ സൈന്യം ഗസ്സ വിടാതെ ചർച്ച പുനരാരംഭിക്കുന്നതിൽ അർത്ഥമില്ലെന്ന നിലപാടിലാണ്​ ഹമാസ്​.

ഗസ്സയിൽ കൊടും ക്രൂരതകൾ ആവർത്തിക്കുകയാണ്​ ഇസ്രായേൽ. ജബാലിയയിലെ ഹവാജയിൽ ഇന്നലെ രാത്രി ഇസ്രായേൽ നടത്തിയ ആക്രമണത്തിൽ നിരവധി താമസ കെട്ടിടങ്ങൾ തകർന്നു. നു​സൈ​റാ​ത്തി​ൽ അ​ഭ​യാ​ർ​ഥി ക്യാ​മ്പാ​യി പ്ര​വ​ർ​ത്തി​ക്കു​ന്ന സ്കൂ​ളി​നു​നേ​രെ നടന്ന വ്യോ​മാ​ക്ര​മ​ണ​ത്തി​ൽ 17 പേർ മരിച്ചു. ഇവരിൽ 14 പേർ കുട്ടികളും മൂന്ന്​ പേർ സ്ത്രീകളും. ഹ​മാ​സ് പോ​രാ​ളി​ക​ളു​ടെ ഒ​ളി​ത്താ​വ​ള​മെ​ന്ന് ആ​രോ​പി​ച്ചാ​യിരുന്നു ഇ​സ്രാ​യേ​ൽ ആക്രമണം.

എന്നാൽ ഹ​മാ​സ് ഇ​ത് നി​ഷേ​ധി​ച്ചു. വ​ട​ക്ക​ൻ ഗ​സ്സ​യി​ലെ ഉ​പ​രോ​ധ​വും ആ​ക്ര​മ​ണ​വും 20 ദി​വ​സം പിന്നിട്ടിരിക്കെ 800ലേറെ പേരാണ്​ ഇവിടെ കൊല്ലപ്പെട്ടത്​. ദേർ അൽ ബലഹ്​, ജബാലിയ എന്നിവിടങ്ങളിലും വ്യാപക ആക്രമണം നടന്നു. ഭക്ഷ്യവസ്തുക്കളും വെള്ളവും മരുന്നും തടഞ്ഞ്​ ജനങ്ങളെ വംശഹത്യ ചെയ്യുന്ന സയണിസ്റ്റ്​ ക്രൂരതക്കെതിരെ ​ലോകവ്യാപക പ്രതിഷേധം ഉയരണമെന്ന്​ ഹമാസ്​ പ്രസ്താവനയിൽ ആവശ്യപ്പെട്ടു.

ല​ബ​നാ​ൻ ത​ല​സ്ഥാ​ന​മാ​യ ബൈ​റൂ​ത്തി​ലും പ​രി​സ​ര​ത്തും നടന്ന ആക്രമണത്തിൽ കെ​ട്ടി​ട​ങ്ങ​ൾ തകരുകയും നിരവധി പേർ കൊല്ലപ്പെടുകയും ചെയ്തു. ഹിസ്​ബുല്ലയുടെ ആക്രമണത്തിൽ കമ്പനി കമാണ്ടർ ഉൾപ്പെടെ 5 ഇസ്രായേൽ സൈനികർ കൊല്ലപ്പെട്ടു.

ബെയ്​റൂത്തിലെ ജനവാസ കേന്ദ്രങ്ങളിലെ കെട്ടിടങ്ങളിൽ നിന്ന്​ ഒഴിയാൻ ജനങ്ങളോട്​ ഇസ്രായേൽ ആവശ്യപ്പെട്ടു. ല​ബ​നാ​നി​ലെ ഇ​സ്രാ​യേ​ൽ അ​ധി​നി​വേ​ശ​വും ഹി​സ്ബു​ല്ല​യു​ടെ പ്ര​ത്യാ​ക്ര​മ​ണ​വും അ​വ​സാ​നി​പ്പി​ക്ക​ണ​മെ​ന്ന് ഫ്രഞ്ച്​ പ്ര​സി​ഡ​ന്റ് ഇ​മ്മാ​നു​വ​ൽ മാ​ക്രോ​ൺ ആ​വ​ശ്യ​പ്പെ​ട്ടു.

ല​ബ​നാ​ന് വ​ൻ സ​ഹാ​യ​വു​മാ​യി ഫ്രാ​ൻ​സ് ഉ​ൾ​പ്പെ​ടെ 70ലേ​റെ രാ​ജ്യ​ങ്ങ​ളും സം​ഘ​ട​ന​ക​ളും രംഗത്തുവന്നു. അതിനിടെ, ഇറാനെ ആക്രമിക്കാൻ സൈന്യത്തിന്​ പ്രതിരോധ മന്ത്രിയും സൈനിക മേധാവിയും അനുമതി നൽകിയതായി​ ഇസ്രായേൽ മാധ്യമങ്ങൾ റിപ്പോർട്ട്​ ചെയ്തു.