ഗൊലാൻ കുന്നിലെ ആക്രമണം: ഹിസ്ബുല്ലക്കെതിരെ ആക്രമണം കടുപ്പിക്കാൻ ഇസ്രായേൽ

ദുബൈ: ഒമ്പതു മാസത്തിലേറെയായി തുടരുന്ന ഇസ്രായേൽ - ഹിസ്​ബുല്ല സംഘർഷം തുറന്ന യുദ്ധത്തിലേക്ക്​ വഴിമാറിയേക്കുമെന്ന ആശങ്ക ശക്​തം. ഇന്നലെ രാത്രി ദക്ഷിണ ലെബനാനിൽ നിന്നുള്ള മിസൈൽ പതിച്ച്​ അധിനിവിഷ്​ട ഗൊലാൻ കുന്നിലെ മജ്​ദ്​ അൽ ഷംസിൽ 11 കുട്ടികൾ കൊല്ലപ്പെട്ടതായാണ്​ ഇസ്രായേലി​െൻറ കുറ്റപ്പെടുത്തൽ. ഇരുപതിലേറെ പേർക്ക്​ പരിക്കുണ്ട്​.

ഫുട്​ബാൾ ഗ്രൗണ്ടിൽ ഒത്തുചേർന്നവരാണ്​ ആക്രമണത്തിന്​ ഇരയായത്​. എന്നാൽ, അധിനിവിഷ്​ട ഗൊലാൻ കുന്നിനു നേർക്ക്​ മിസൈൽ അയച്ചിട്ടില്ലെന്ന്​ ഹിസ്​ബുല്ല വ്യക്​തമാക്കി. ഏറ്റവും കടുത്ത തിരിച്ചടി തന്നെയാകും ഹിസ്​ബുല്ലക്ക്​ നൽകുകയെന്ന്​ പ്രതിരോധ മന്ത്രി യോവ്​ ഗാലൻറും സൈനിക മേധാവികളും മുന്നറിയിപ്പ്​ നൽകി.

വ്യാപക യുദ്ധത്തില​ൂടെ ഹിസ്​ബുല്ലയെ തുടച്ചുനീക്കണമെന്ന്​ സ്​മോട്രിക്​ ഉൾപ്പെടെ ഇസ്രായേൽ മന്ത്രിമാർ ആവശ്യപ്പെട്ടു. അമേരിക്കൻ പര്യടനം വെട്ടിച്ചുരുക്കി നെതന്യാഹു ഇസ്രായേലിലേക്ക്​ മടങ്ങി. ഇന്ന്​ ഉച്ചതിരിഞ്ഞ്​ ചേരുന്ന സുപ്രധാന സുരക്ഷാ യോഗം ഹിസ്​ബുല്ലക്കും ലെബനാനും നേരെ സ്വീകരിക്കേണ്ട സൈനിക നടപടി ചർച്ച ചെയ്യും.

മജ്​ദ്​ അൽ ഷംസ്​ ആക്രമണത്തെ അപലപിച്ച അമേരിക്കയും യൂറോപ്യൻ യൂനിയനും വ്യാപക യുദ്ധത്തിലേക്ക്​ നീങ്ങരുതെന്ന്​ ഇസ്രായേലിനോട്​ ആവശ്യപ്പെട്ടു. താൻ പ്രസിഡൻറായിരുന്നെങ്കിൽ ഇത്തരമൊരു ആക്രമണം ഇ​സ്രായേലിനു നേർക്ക്​ ഹിസ്​ബുല്ല നടത്തുമായിരുന്നില്ലെന്ന്​ ഡൊണാൾഡ്​ ട്രംപ്​ പ്രതികരിച്ചു.

സിവിലിയൻ ആക്രമണത്തെ ലെബനാൻ സർക്കാറും അപലപിച്ചു. ഹൈഫ ഉൾപ്പെടെ ഇസ്രായേൽ നഗരങ്ങളിൽ വൻസുരക്ഷ ഏർപ്പെടുത്തി. അതിനിടെ, വെടിനിർത്തൽ ചർച്ചക്ക്​ തുരങ്കം വെക്കുന്നതി​ന്റെ ഭാഗമായി പുതിയ നിർദേശം നെതന്യാഹു അമേരിക്കക്ക്​ സമർപ്പിച്ചു. വടക്കൻ ഗസ്സയിലേക്കുള്ള ഫലസ്​തീനികളുടെ മടക്കം തടയുക, റഫക്കും ഈജിപ്​തിനും ഇടയിൽ ഇസ്രായേൽ നിയന്ത്രണം എന്നീ ഉപാധികളാണ്​ നിർദേശത്തിൽ നെതന്യാഹു സമർപ്പിച്ചതെന്നാണ്​ റിപ്പോർട്ട്​.

ഹമാസ്​ അംഗീകരിക്കില്ല എന്നുറപ്പിച്ച്​ പുതിയ ഉപാധികൾ മുന്നോട്ടുവെക്കുന്നത്​ ബന്ദികളുടെ ജീവൻ അപകടത്തിലാക്കുമെന്ന്​ ബന്​ധുക്കൾ കുറ്റപ്പെടുത്തി. യു.​എ​സ്, ഈ​ജി​പ്ത്, ഖ​ത്ത​ർ പ്ര​തി​നി​ധി​ക​ൾ ഇന്ന്​ ഇ​റ്റ​ലി​യി​ൽ കൂ​ടി​ക്കാ​ഴ്ച ന​ട​ത്താ​നി​രി​ക്കെ​ ഗസ്സയിൽ ആക്രമണം കടുപ്പിച്ചിരിക്കുകയാണ്​ ഇ​സ്രാ​യേ​ൽ. ഖ​ത്ത​ർ പ്ര​ധാ​ന​മ​ന്ത്രി മു​ഹ​മ്മ​ദ് ബി​ൻ അ​ബ്ദു​ൽ റ​ഹ്മാ​ൻ അ​ൽ​ഥാ​നി, സി.​ഐ.​എ ഡ​യ​റ​ക്ട​ർ ബി​ൽ ബേ​ൺ​സ്, മൊ​സാ​ദ് ഡ​യ​റ​ക്ട​ർ ഡേ​വി​ഡ് ബാ​ർ​ണി​യ, ഈ​ജി​പ്തി​ന്റെ ചാ​ര സം​ഘ​ട​ന മേ​ധാ​വി അ​ബ്ബാ​സ് ക​മ​ൽ എ​ന്നി​വ​രാ​ണ് ചർച്ചയിൽ പ​​ങ്കെ​ടു​ക്കു​ക. ദേർ അൽ ബലാഹ്​ ഉൾപ്പെടെ ഗസ്സയുടെ വിവിധ ഭാഗങ്ങളിലായി നടന്ന ആക്രമണങ്ങളിൽ അമ്പതിലേറെ പേരാണ്​ ഇന്നലെ മാത്രം കൊല്ലപ്പെട്ടത്​.