ബഹ്റൈനിൽ നാല്​ പുതിയ വ്യവസായ പ്രദേശങ്ങൾ കൂടി

ബഹ്റൈനിൽ ​ നാല്​ പുതിയ വ്യവസായ പ്രദേശങ്ങൾ കൂടി ആരംഭിക്കുമെന്ന്​ വാണിജ്യ, വ്യവസായ, ടൂറിസം മന്ത്രി സായിദ്​ ബിൻ റാഷിദ്​ അൽ സയാനി വ്യക്​തമാക്കി. വെസ്​റ്റ്​ സൽമാൻ സിറ്റി, സൗത്ത്​ അൽബ, ഫുഷ്​ത്​ അൽ അദം, സ്​​പെഷൽ അമേരിക്കൻ വ്യവസായ കേ​ന്ദ്രം എന്നിങ്ങനെയാണ്​ പദ്ധതി തയാറാക്കിയിട്ടുള്ളതെന്ന്​ കഴിഞ്ഞ ദിവസം നടത്തിയ പ​ത്ര സമ്മേളനത്തിൽ മന്ത്രി അറിയിച്ചു. 2022  മുതല്‍ 2026 വരെയുള്ള ചതു​ർവർഷ വ്യവസായ പദ്ധതിയുടെ ഭാഗമായാണ്​ തീരുമാനം. പ്രസ്​തുത വർഷങ്ങളിൽ ആറ്​ വ്യവസായ മേഖലകളിൽ പ്രത്യേകം ഊന്നൽ നൽകാനാണ്​ സർക്കാർ തീരുമാനിച്ചിട്ടുള്ളത്​. പെട്രോ കെമിക്കൽ, മാനുഫാക്​ച്ചറിങ്​, പുനരുപയോഗ ഊർജ്ജം,​ ഗ്രീൻ, ബ്ലൂ ഹൈഡ്രജൻ, ഫാർമസ്യൂട്ടിക്കൽ, മൈ​ക്രോ ഇല​ക്​ട്രോണിക്​സ്​ എന്നീ മേഖലകളിൽ ഊന്നി മുന്നോട്ടു പോകുമെന്നും അദ്ദേഹം കൂട്ടിച്ചേർത്തു.