ബഹ്റൈനിൽ കഴിഞ്ഞു പോയത്​ ചൂട്​ കൂടിയ അഞ്ചാമത്തെ ​ ഡിസംബർ

ബഹ്റൈനിൽ കഴിഞ്ഞു പോയത്​ ചൂട്​ കൂടിയ അഞ്ചാമത്തെ ഡിസംബറാണെന്ന്​ കാലാവസ്​ഥാ വിഭാഗം വ്യക്​തമാക്കി. 1902 മുതലുള്ള കണക്കനുസരിച്ച്​ ചൂട്​ കൂടിയ ഡിസംബറുകളിൽ അഞ്ചാം സ്​ഥാനമാണ്​ 2021 ഡിസംബറിനുള്ളത്​. ശരാശരി ചൂട്​ 21.3 ഡിഗ്രിയായിരുന്നു.

ശരാശരി ചൂട്​ ഏറ്റവും കൂടുതൽ രേഖപ്പെടുത്തിയ 22.5 ഡിഗ്രി 2001 ഡിസംബറിലായിരുന്നു. ഏറ്റവും കൂടിയ ചൂട്​ ശരാശരി രേഖപ്പെടുത്തിയത്​ 23.9 ഉം മധ്യമ നിലയിലെ ശരാശരി ചൂട്​ 26.3 ഡിഗ്രിയുമായിരുന്നു. ഏറ്റവും കൂടിയ ചൂട്​ ഡിസംബർ 2ന്​ 23.9 ഡിഗ്രിയാണ്​ രേഖപ്പെടുത്തിയത്​. ഏറ്റവും കൂടിയ ചൂട് 2001 ഡിസംബറിൽ രേഖപ്പെടുത്തിയത്​ 26.3 ഡിഗ്രിയായിരുന്നു. ഏറ്റവും കൂടിയ ചൂട്​ ഡിസംബർ രണ്ടിന്​ എയർപോർട്ടിൽ ഈ വർഷം രേഖപ്പെടുത്തിയത്​ 27.9 ഡിഗ്രിയും ഡിസംബർ 21 ന്​ ഇന്‍റർനാഷണൽ സർക്യൂട്ടിൽ രേഖപ്പെടുത്തിയത്​ 28.8 ഡിഗ്രിയുമായിരുന്നു.

മധ്യനിലയിലെ ശരാശരി ചൂട്​ 18.7 ഡിഗ്രിയായിരുന്നു.1946 മുതലുള്ള കണക്കനുസരിച്ച്​ ഏറ്റവും കുറഞ്ഞ ചൂട്​ രേഖ​​പ്പെടുത്തിയ നാലാമത്​ ഡിസംബറാണ്​ കഴിഞ്ഞു പോയത്​. 2001 ഡിസംബറിൽ കുറഞ്ഞ ചൂട്​ ശരാശരി രേഖപ്പെടുത്തിയത്​ 19.6 ഡിഗ്രിയായിരുന്നു. ഏറ്റവും കുറഞ്ഞ ചൂട്​ ഡിസംബർ 28ന്​ എയ​ർപോർട്ടിൽ രേഖപ്പെടുത്തിയത്​ 15.5 ഡിഗ്രിയായിരുന്നു. ഡിസംബർ അഞ്ചിന്​ ഇന്‍റർനാഷണൽ സർക്യൂട്ടിൽ രേഖപ്പെടുത്തിയ കുറഞ്ഞ ചൂട്​ 13.1 ഡിഗ്രിയായിരുന്നു.

ഹുമിഡിറ്റി ശരാശരി 66 ശതമാനവും മധ്യനിലയിൽ 80 ശതമാനവും കുറഞ്ഞത്​ 51 ശതമാനവുമായിരുന്നു. ഡിസംബർ ഒന്നിന്​ 93 ശതമാനം ഹുമിഡിറ്റിയാണ്​ രേഖപ്പെടുത്തിയത്​. ഏറ്റവും കുറഞ്ഞ ഹുമിഡിറ്റി രേഖപ്പെടുത്തിയത്​ ഡിസംബർ 20ന്​ 27 ശതമാനമായിരുന്നു. ഇക്കഴിഞ്ഞ ഡിസംബറിൽ പെയ്​ത മഴ 10.9 മില്ലീമീറ്ററായിരുന്നു. ഡിസംബറിലെ ശരാശരി മഴ 15.2 മില്ലീമീറ്ററുമായിരുന്നു. ഏറ്റവും അധികം മഴ രേഖപ്പെടുത്തിയത്​ 2006 ഡിസംബറി​ൽ ബഹ്​റൈൻ എയർപോർട്ടിൽ 119.6 മില്ലമീറ്ററായിരുന്നു. ഡിസംബറിലെ ഒരു ദിവസം മാത്രമാണ്​ ഇടിയും കാറ്റും ചേർന്നുള്ള മഴ പെയ്​തത്​. ഡിസംബർ 31 ന്​ 8.5 മില്ലീമീറ്റർ മഴയാണ്​ പെയ്​തതെന്നും കണക്കുകൾ വ്യക്​തതമാക്കുന്നു.