മുത്തുകളുടെ ലഭ്യത ഉറപ്പാക്കുന്നതിനുള്ള ആദ്യഘട്ട പഠനം പൂർത്തിയായി

ബഹ്​റൈനിലെ സമുദ്രാന്തർ ഭാഗത്ത്​ ലഭ്യമാവുന്ന മുത്തുകളുടെ ലഭ്യത ഉറപ്പാക്കുന്നതിനുള്ള ആദ്യഘട്ട പഠനം പൂർത്തിയായി. പരിസ്​ഥിതി കാര്യ സുപ്രീം കൗൺസിൽ, ബഹ്​റൈൻ പേൾ ആന്‍റ്​ ജെംസ്​ ദാനത്​ ഇൻസ്റ്റിറ്റ്യൂട്ടും ചേർന്നാണ്​ പഠനം നടത്തിയത്​.

ബഹ്​റൈനിലെ കടൽ പ്രദേശത്ത്​ മുത്തുച്ചിപ്പിയുടെ പ്രകൃതിദത്ത ലഭ്യതയും സുസ്​ഥിരതയും ഉറപ്പാക്കുന്നതിന്​ പൊതുമരാമത്ത്​, മുനിസിപ്പൽ, നഗരാസൂത്രണ കാര്യ മന്ത്രാലയത്തിലെ ഫിഷറീസ്​ വകുപ്പുമായി സഹകരിച്ചാണ്​ ഫീൽഡ്​ പഠനം സംഘടിപ്പിച്ചത്​.

മുത്തുകളുടെയും പവിഴങ്ങളുടെയും ഉൽപാദനവും വ്യാപാരവും വർധിപ്പിക്കുന്നതിന്‍റെ ഭാഗമായിട്ടായിരുന്നു പഠനം. നജ്​വ ബൂൽഥാമ, ഹേർ ​ബൂൽഥാമ, ഹേർ ശതിയ, ഹേർ ബൂഅമാമ, സയാഹ്​ എന്നീ സമുദ്ര പ്രദേശങ്ങളിലായിരുന്നു വിലയിരുത്തൽ.

മുത്തുകൾ പുറത്തെടുക്കുക, അവയുടെ വലിപ്പം, വില എന്നിവ കണക്കാക്കുക, അവയുടെ സുസ്​ഥിരതക്ക്​ ഭീഷണിയാവുന്ന പ്രധാന വെല്ലുവിളികൾ കണ്ടെത്തുക എന്നിവയും പഠനത്തിൽ ഉൾ​പ്പെടുത്തിയിരുന്നു.