'ഹരിതാരവം': 40ാം വാർഷികാഘോഷത്തിനൊരുങ്ങി ദമ്മാം കെ.എം.സി.സി
മുസ്ലിം യൂത്ത് ലീഗ് സെക്രട്ടറി കെ.എം ഷാജിയും മജീഷ്യന്‍ ഗോപിനാഥ് മുതുകാടുമാണ് മുഖ്യാതിഥികൾ
Update: 2022-11-19 18:52 GMT
കെ.എം.സി.സി ദമ്മാം സെന്‍ട്രല്‍ കമ്മിറ്റി സംഘടനയുടെ നാല്‍പതാം വാര്‍ഷികാഘോഷം സംഘടിപ്പിക്കുന്നു. 'ഹരിതാരവം' എന്ന പേരില്‍ സംഘടിപ്പിക്കുന്ന പരിപാടിയില്‍ മുസ്ലിം യൂത്ത് ലീഗ് സെക്രട്ടറി കെ.എം ഷാജിയും മജീഷ്യന്‍ ഗോപിനാഥ് മുതുകാടും മുഖ്യതിഥികളായി പങ്കെടുക്കുമെന്ന് ഭാരവാഹികള്‍ അറിയിച്ചു.
ഹരിതാരവം ദമ്മാം ഫെസ്റ്റിന് നവംബര്‍ 25 വെള്ളിയാഴ്ച ദമ്മാമില്‍ തുടക്കമാകും. പൊതുസമ്മേളനം, കുട്ടികള്‍ക്കായുള്ള പ്രത്യേക പരിപാടികള്‍, കലാവിരുന്ന്, എക്‌സിബിഷന്‍ തുടങ്ങിയ വിത്യസ്ത പരിപാടികള്‍ ആഘോഷത്തിന്റെ ഭാഗമായി സംഘടിപ്പിക്കും.
ബിസിനസ് എക്‌സലന്‍സി അവാര്‍ഡ്, മികച്ച ജീവകാരുണ്യ പ്രവര്‍ത്തനത്തിനുള്ള അവാര്‍ഡ് എന്നിവയും വിതരണം ചെയ്യും. സാമൂഹ്യ സാംസ്‌കാരിക രാഷ്ട്രീയ രംഗത്തുള്ള പ്രമുഖര്‍ പരിപാടിയില്‍ സംബന്ധിക്കും. ഹമീദ് വടകര, മുജീബ് കൊളത്തൂര്‍, മലിക് മഖ്ബൂല്‍, അസ്ലം കൊളക്കോടന്‍, മഹമൂദ് പൂക്കാട്, ഖാദര്‍ അണങ്കൂര്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.