കൃഷ്ണദാസ് ചേലക്കരക്ക് യാത്രയയപ്പ് നൽകി

റിയാദ്: കൃഷ്ണദാസ് ചേലക്കരക്ക് റിയാദ് സോഷ്യൽ മലയാളി കൾച്ചറൽ കൂട്ടായ്മ യാത്രയയപ്പ് നൽകി. എസ്എംസി കൂട്ടായ്മ അംഗവും 16 വർഷമായി ഒലയ്യയിലെ എസ്എംസി ഹോസ്പിറ്റലിലെ ജീവനക്കാരനുമാണ് കൃഷ്ണദാസ് ചേലക്കര. ചടങ്ങിൽ വൈസ് പ്രസിഡന്റ് ജോണി അധ്യക്ഷത വഹിച്ചു. ട്രഷറർ ബേബി തോമസ് കൃഷ്ണദാസിനുള്ള ഉപഹാരം കൈമാറി.

ജോയിന്റ് സെക്രട്ടറി ആൻസൺ ജയിംസ്, മാത്തുക്കുട്ടി മംഗലത്തിൽ, സന്തോഷ് തുടങ്ങിയവർ സംസാരിച്ചു. ജനറൽ സെക്രട്ടറി ഫൈസൽ മുനീർ സ്വാഗതവും വെൽഫെയർ വിംഗ് കൺവീനർ സിജോയ് ചാക്കോ നന്ദിയും പറഞ്ഞു.