ഗ്ലോബൽ സ്നേഹ സഞ്ചാര യാത്രക്ക് ഹാഇലിൽ സ്വീകരണം ഒരുക്കി

ഇന്ത്യൻ കൽച്ചറൽ ഫെഡെറേഷൻ ( ഐസിഫ് ) സംഘടിപ്പിച്ചു വരുന്ന ഗ്ലോബൽ സ്നേഹ സഞ്ചാര യാത്രക്ക് സൌദിയിലെ ഹാഇലിൽ സ്വീകരണം നൽകി. ബെറ്റർ വേൾഡ് & ബെറ്റർ ടുമോറോ എന്ന പ്രമേയത്തിലാണ് യാത്ര സംഘടിപ്പിച്ചു വരുന്നത്. നേതാക്കൾ വിവിധ രാജ്യങ്ങളിലെ ഐസിഎഫ് പ്രവർത്തകരുമായി സംവദിച്ചാണ് യാത്ര.

മദീനയിൽ നിന്നും ഹാഇലിൽ എത്തിയ സ്നേഹ സഞ്ചാര യാത്രക്ക് ഹാഇൽ സിറ്റി ഫ്ലവർ ഓഡിറ്റോറിയത്തിൽ നൽകിയ സ്വീകരണ സമ്മേളനം സെൻട്രൽ പ്രസിഡണ്ട് ബഷീർ സഅദിയുടെ അധ്യക്ഷതയിൽ സൗദി നാഷണൽ ജനറൽ സെക്രട്ടറി നിസാർ കാട്ടിൽ ഉദ്ഘാടനം ചെയ്തു. സ്നേഹ സഞ്ചാരയാത്രയുടെ നായകനും ഇന്ത്യൻ നാഷണൽ കൗൺസിലിന്റെ ജനറൽ സെക്രട്ടറിയുമായ നിസാർ സഖാഫി ഒമാൻ പ്രമേയ പ്രഭാഷണം നടത്തി.

സ്വീകരണ സമ്മേളനത്തിൽ സലിം പാലച്ചിറ, അബ്ദുളള സഅദി ചെറുവാടി, അബ്ദുൽ ഹമീദ് സഖാഫി കാടാച്ചിറ, അബ്ദുൽ റഹ്മാൻ മദനി, ചാൻസ അബ്ദുൽ റഹ്മാൻ, ഷൗക്കത്ത് ചെമ്പിലോട് തുടങ്ങിയവർ സംബന്ധിച്ചു. ബഷീർ നെല്ലളം സ്വാഗതവും അബ്ദുൽ സലാം സഅദി നന്ദിയും പറഞ്ഞു.