കാസ്‌ക് വോളിബോള്‍ ടൂര്ണ്ണമെന്റ് വ്യാഴാഴ്ച നടക്കും
Update: 2023-12-05 14:18 GMT
കിഴക്കന്‍ പ്രവശ്യയിലെ പ്രമുഖ മലയാളി കൂട്ടായ്മയായ കേരളാ ആര്‍ട്ട്‌സ് ആന്റ് സ്‌പോര്‍ട്ട്‌സ് ക്ലബ്ബിന്റെ 20-ാമത് വോളിബോള്‍ ടൂര്ണ്ണമെന്റ് വ്യാഴാഴ്ച രാത്രി ഏഴിന് ആരംഭിക്കും. കാനൂ ടവറിന് സമീപമുള്ള അല്‍-സുഹൈമി ഫ്‌ളഡ്‌ലിറ്റ് ഗ്രൗണ്ടിലാണ് മത്സരങ്ങള്‍ അരങ്ങേറുന്നത്.
ക്ലബ്ബ് പ്രസിഡന്റ് പ്രദീപ് കുമാര്‍ അധ്യക്ഷത വഹിക്കുന്ന ചടങ്ങില്‍ അല്‍ സുഹൈമി ജനറല്‍ മാനേജര്‍ ഫൈസല്‍ സുലൈമാന്‍ അല്‍ സുഹൈമി ടൂര്‍ണ്ണമെന്റിന്റെ ഔപചാരിക ഉദ്ഘാടനം നിര്‍വ്വഹിക്കും. പ്രസ്തുത ചടങ്ങിന് ക്ലബ്ബ് സെക്രട്ടറി സുരേഷ് സ്വാഗതവും ജോ.സെക്രട്ടറി ശ്യാംകുമാര്‍ നന്ദിയും പറയും. കുവൈത്ത്, റിയാദ്, ജൂബൈല്‍, ദമ്മാം മേഖലയിലെ മികച്ച ടീമുകള്‍ ടൂര്‍ണ്ണമെന്റില്‍ ഏറ്റുമുട്ടും.
സെമി, ഫൈനല്‍ മത്സരങ്ങള്‍ ഡിസംമ്പര്‍ 8, വെള്ളിയാഴ്ച രാത്രി 7.30 നാണ് നടക്കുക. ടൂര്‍ണ്ണമെന്റില്‍ ഒന്നും, രണ്ടും സ്ഥാനങ്ങല്‍ കരസ്ഥമാക്കുന്ന ടീമുകള്‍ക്ക് ക്യാഷ് പ്രൈസും ട്രോഫികളും ലഭിക്കും.