നെസ്റ്റോയിൽ പൂരം പോലെ ഷോപ്പിങ് ഫെസ്റ്റ്; ഫുഡ് ഫൺ ഫെസ്റ്റിലേക്ക് നിരവധി പേരെത്തുന്നു

സൗദിയിലെ നെസ്റ്റോ ഹൈപ്പർമാർക്കറ്റുകളിൽ ഫുഡ് ഫെസ്റ്റുൾപ്പെടെ ഗ്രാൻഡ് ഷോപ്പിങ് മേളക്ക് തുടക്കമായി. ഫുഡ് ഫൺ ഉൾപ്പെടെ വ്യത്യസ്ത തീമുകളിലാണ് ഷോപ്പിങ് മേള. കുട്ടികൾക്കും മുതുർന്നവർക്കും ഉൾപ്പെടെ വിവിധ മത്സരങ്ങളും ഓഫറുകളും നെസ്റ്റോയിൽ ലഭ്യമായിട്ടുണ്ട്. വിവിധ വിനോദ പരിപാടികളും നെസ്റ്റോയിൽ എത്തുന്നവർക്ക് ആസ്വദിക്കാം.

റിയാദ് അസീസിയ ബ്രാഞ്ചിലും അൽകോബാർ ബ്രാഞ്ചിലും ഫുഡ് ഫൺ ഫെസ്റ്റിവലിനും തുടക്കമായി. മെയ് 17 മുതൽ 20 വരെ നീണ്ടു നിൽക്കും. സോഷ്യൽ മീഡിയ താരം അമീൻ മന്നാൻ ഫെസ്റ്റ് ഉദ്ഘടനം ചെയ്തു.

നാലു ദിവസം നീണ്ടു നിൽക്കുന്ന ഫുഡ് ആൻഡ് ഫൺ ഫെസ്റ്റിവലിൽ വിവിധ കലാകാരന്മാരുടെ ഗാനമേള, ഡാൻസ്, ചെണ്ടമേളം, വ്യത്യസ്ത്ത കലാ രൂപങ്ങളുടെ ഒത്തുചേരൽ എന്നിവ നെസ്റ്റോ ഒരുക്കിയിട്ടുണ്ട്.

നാടൻ കോഴിക്കോടൻ ഹൽവ മുതൽ പൊരികടികൾ ഉൾപ്പെടെ വ്യത്യസ്തമായ വിവിധതരം ഭക്ഷണങ്ങളും ഉപ്പിലിട്ടതുമെല്ലാം ഫുഡ് ഫെസ്റ്റിലുണ്ട്. കളിപ്പാട്ടങ്ങളുടെ വിപുലമായ കളക്ഷനുമായി നാട്ടിലെ പൂരത്തിന് സമാനമായ വ്യത്യസ്തമായ ഒരുപാട് കാഴ്ചകളും കൗണ്ടറുകളും നെസ്റ്റോ ഒരുക്കിയിട്ടുണ്ട്. ഓഫർ ശനിയാഴ്ച വരെ നീണ്ടു നിൽക്കും.

കുട്ടികൾക്കും മുതിർന്നവർക്കുമെല്ലാം ഫുഡ് ഫെസ്റ്റിനൊപ്പം വിവിധ മത്സരങ്ങളിലും വിനോദ പരിപാടികളിലും പങ്കാളികളാകാം. എല്ലാ ഉത്പന്നങ്ങളിലും വിലക്കിഴിവും ലഭ്യമാണ്.