ദുബൈ കിക്‌ബോക്‌സിങ് ചാമ്പ്യൻഷിപ്പ് ഒക്ടോബറിൽ നടക്കും

ബി.കെ.കെ കിക്ക്‌ബോക്‌സിങ് ചാമ്പ്യൻഷിപ്പ് ഒക്ടോബർ എട്ടിന് ദുബൈയിൽ നടക്കും. അൽ നാസർ ക്ലബ്ബിലെ റാശിദ് ബിൻ ഹംദാൻ ഹാളിലാണ് മത്സരം നടക്കുന്നത്. ഇരുപത് ലോകോത്തര ബോക്‌സർമാരാണ് ചാമ്പ്യൻഷിപ്പിൽ ഏറ്റുമുട്ടുക.

ഇന്ത്യയും പാകിസ്താനും ഈ ചാമ്പ്യൻഷിപ്പിൽ ഏറ്റുമുട്ടുന്നുണ്ട്. ബി.കെ.കെ സ്‌പോർട്‌സ്, ദുബൈ സ്‌പോർട്‌സ് കൗൺസിൽ, വേൾഡ് അസോസിയേഷൻ ഓഫ് കിക്ക്ബോക്സിങ് ഓർഗനൈസേഷൻസ് എന്നിവയാണ് കിക്ക് ബോക്‌സിങ് ചാമ്പ്യൻഷിപ്പിന്റെ സംഘാടകർ.