അസമിൽ കാണ്ടാമൃഗത്തിന്‍റെ കുത്തേറ്റ് ഒരാൾ മരിച്ചു

അസമിൽ കാണ്ടാമൃഗത്തിന്റെ കുത്തേറ്റ് ഒരാൽ മരിച്ചു. അസമിലെ മജുലി ജില്ലയിലെ മദൻ ദാസ്(50) എന്നയാളാണ് മരിച്ചത്. കാസിരംഗ ദേശീയോദ്യാനത്തിൽ നിന്ന് പുറത്തു ചാടിയ കാണ്ടാമൃഗമാണ് മദൻ ദാസിനെ ആക്രമിച്ചത് എന്ന് നാട്ടുകാര്‍ പറയുന്നു. 

ഗുരുതരമായി പരിക്കേറ്റ മദൻ ദാസിനെ മെഡിക്കൽ കോളേജിൽ പ്രവേശിപ്പിച്ചെങ്കിലും മരണത്തിന് കീഴടങ്ങുകയായിരുന്നു. കഴിഞ്ഞ വർഷം അസമിലെ അഭയ്പൂർ ഗ്രാമത്തിൽ വച്ച് മറ്റൊരാളും കാണ്ടാമൃഗത്തിന്റെ കുത്തേറ്റ് മരിച്ചിരുന്നു.

കുത്തേറ്റ മദന് ഗുരുതരമായി പരിക്കേറ്റിരുന്നു എന്നും ആശുപത്രിയിലെത്തിച്ചെങ്കിലും അദ്ദേഹത്തെ രക്ഷിക്കാനായില്ലെന്നും മജുലി ജില്ലാ ഡെപ്യൂട്ടി കമ്മീഷണർ ട്വീറ്റ് ചെയ്തു.