ഷുഹൈബ് വധം; കാന്തപുരം എപി അബൂബക്കര്‍ മുസ്ലിയാര്‍ മുഖ്യമന്ത്രിയുമായി കൂടിക്കാഴ്ച നടത്തി
Update: 2018-05-28 05:36 GMT
കുറ്റവാളികളെ ഉടന്‍ പിടികൂടണമെന്നാവശ്യപ്പെട്ട് കാന്തപുരം മുഖ്യമന്ത്രിയുമായി കൂടിക്കാഴ്ച നടത്തി.
ഷുഹൈബ് വധകേസില്‍ കുറ്റവാളികളെ ഉടന്‍ പിടികൂടണമെന്നാവശ്യപ്പെട്ട് കാന്തപുരം എപി അബൂബക്കര്‍ മുസ്ലിയാര്‍ മുഖ്യമന്ത്രിയുമായി കൂടിക്കാഴ്ച നടത്തി. പ്രതികളെ കുറിച്ചുള്ള കൃത്യമായ വിവരങ്ങള്‍ ലഭിച്ചിട്ടുണ്ടെന്ന് മുഖ്യമന്ത്രി അറിയിച്ചതായി കൂടിക്കാഴ്ചക്ക് ശേഷം കാന്തപുരം പറഞ്ഞു.
അതേസമയം ഷുഹൈബ് വധക്കേസില്‍ അറസ്റ്റ് ഇന്നുണ്ടായേക്കുമെന്നാണ് റിപ്പോര്‍ട്ടുകള്‍. ഇന്ന് രാവിലെ കീഴടങ്ങിയ രണ്ട് സിപിഎം പ്രവര്‍ത്തകരെ എസ് പി ഓഫീസില്‍ ചോദ്യം ചെയ്തുവരികയാണ്. തില്ലങ്കേരി സ്വദേശികളായ ആകാശ്, റിജിന്‍ രാജ് എന്നിവരെയാണ് ചോദ്യം ചെയ്യുന്നത്. പിടിയിലായ ആകാശ് ബിജെപി പ്രവര്‍ത്തകന്‍ ബിനീഷിനെ കൊലപ്പെടുത്തിയ കേസില്‍ ഒന്നാം പ്രതിയാണ്. ഇന്നലെ ആറു പേരെ കസ്റ്റഡിയിലെടുത്തിരുന്നു.