കെ.എസ്.ആർ.ടി.സി ബസില്‍ വീണ്ടും യുവതിക്കുനേരെ നഗ്നതാപ്രദർശനം; യുവാവ് അറസ്റ്റിൽ

ഇടുക്കി: കെ.എസ്.ആർ.ടി.സി ബസിൽ യുവതിക്കുനേരെ നഗ്നതാ പ്രദർശനം നടത്തിയ യുവാവ് അറസ്റ്റിൽ. തൃശ്ശൂർ കൊടകര സ്വദേശി സിജുവിനെയാണ് തങ്കമണി പൊലീസ് അറസ്റ്റ് ചെയ്തത്. എറണാകുളത്തുനിന്ന് കുമളിയിലേക്ക് പോയ ബസിലാണ് സംഭവം.

പെരുമ്പാവൂരിൽനിന്നാണ് പ്രതി ബസിൽ കയറിയത്. നേര്യമംഗലം കഴിഞ്ഞപ്പോൾ പെൺകുട്ടി ഇരുന്ന സീറ്റിലേക്ക് ഇയാൾ മാറിയിരിക്കുകയായിരുന്നു. ഇടുക്കി തങ്കമണിക്കു സമീപം പാണ്ടിപ്പാറയിൽ ബസ് എത്തിയപ്പോഴാണ് ഇയാൾ നഗ്നതാപ്രദർശനം നടത്തിയത്. ഇത് പെൺകുട്ടി ചോദ്യംചെയ്യുകയും ബഹളംവയ്ക്കുകയും ചെയ്തു.

ഇതോടെ ജീവനക്കാർ ബസ് തങ്കമണി പൊലീസ് സ്റ്റേഷനിലേക്ക് തിരിക്കുകയായിരുന്നു. പെൺകുട്ടിയുടെ പരാതിയിൽ പ്രതിക്കെതിരെ കേസെടുത്തു. ശേഷം അറസ്റ്റ് രേഖപ്പെടുത്തുകയും ചെയ്തു. കട്ടപ്പനയിലെ റിക്രൂട്ടിങ് ഏജൻസി സ്ഥാപനത്തിലേക്ക് പുറപ്പെട്ടതായിരുന്നു പ്രതിയെന്നാണ് വിവരം.

Watch video story here

Summary: Young man arrested for showing nudity on KSRTC bus in Thankamany, Idukki