തൃശൂരിൽ സ്വകാര്യ ബസ് നിയന്ത്രണം വിട്ടു മറിഞ്ഞു; 50 ഓളം പേർക്ക് പരിക്ക്

തൃശൂർ: കണിമംഗലത്ത് സ്വകാര്യ ബസ് നിയന്ത്രണം വിട്ട് മറിഞ്ഞു. രാവിലെ 8.30 ഓടെയാണ് അപകടമുണ്ടായത്. അപകടത്തിൽ നിരവധി പേർക്ക് പരിക്കേറ്റു. സ്ത്രീകളും കുട്ടികളുമുൾപ്പെടെ 50 ഓളം പേർക്ക് പരിക്കേറ്റിട്ടുണ്ടെന്നാണ് ലഭിക്കുന്ന വിവരം.രണ്ടുപേരുടെ നില ഗുരുതരമാണ്. പരിക്കേറ്റവരെ വിവിധ ആശുപത്രിയിൽ പ്രവേശിപ്പിച്ചിട്ടുണ്ട്.

സ്കൂൾ, കോളജ് വിദ്യാർഥികളായിരുന്നു ബസിൽ കൂടുതലായി ഉണ്ടായിരുന്നത്. .മന്ത്രി കെ.രാജൻ, ജില്ലാകലക്ടർ കൃഷ്ണ തേജ എന്നിവർ അപകടസ്ഥലം സന്ദർശിച്ചു.

ഉയർന്ന് നില്ക്കുന്ന റോഡിൽ നിന്ന് നിയന്ത്രണം വിട്ട ബസ് താഴേ ഭാഗത്തേക്ക് പതിക്കുകയായിരുന്നു. ബസ് പൂർണമായും മറിഞ്ഞ നിലയയിലാണ്. അപകടം നടന്നയുടനെ നാട്ടുകാർ ചേർന്നാണ് പരിക്കേറ്റവരെ രക്ഷപ്പെടുത്തി ആശുപത്രിയിലെത്തിച്ചത്.