തിരുവനന്തപുരത്ത് മൂന്ന് ആൺകുട്ടികളെ കാണാതായി

തിരുവനന്തപുരം വെഞ്ഞാറമൂട് മൂന്ന് ആൺകുട്ടികളെ കാണാതായെന്ന് പരാതി. ഇന്നലെ രാവിലെയാണ് ബന്ധുക്കളായ മൂന്ന് കുട്ടികളെ കാണാതായത്. രക്ഷിതാക്കളുടെ പരാതിയിൽ പൊലീസ് അന്വേഷണം ആരംഭിച്ചു.

അടുത്തടുത്ത വീടുകളില്‍ താമസിക്കുന്ന ബന്ധുക്കളായ കുട്ടികളെയാണ് കാണാതായത്. 11, 13, 14 വയസ്സാണ് കുട്ടികളുടെ പ്രായം. വീട്ടില്‍‌ നിന്ന് പണമെടുത്താണ് കുട്ടികള്‍ പോയതെന്ന് ബന്ധുക്കള്‍ പറയുന്നു.

പാളയത്തെ വനപ്രദേശത്ത് കുട്ടികളിലൊരാളെ കണ്ടു എന്ന വിവരത്തിന്‍റെ അടിസ്ഥാനത്തില്‍ തെരച്ചില്‍ തുടരുകയാണ്. കുട്ടികളിലൊരാള്‍ മുന്‍പും വീടുവിട്ടിറങ്ങിയിട്ടുണ്ടെന്ന് പൊലീസ് പറയുന്നു.