'സതീശൻ ജനകീയനായ ജനപ്രതിനിധി, ജനാധിപത്യ മനസ്സാക്ഷിയുടെ പുതിയ നായകൻ' വി.ടി ബൽറാം

സംസ്ഥാനത്തെ പ്രതിപക്ഷ നേതാവായി തെരഞ്ഞെടുത്ത വിഡി സതീശന് അഭിനന്ദനങ്ങളുമായി വി.ടി ബൽറാം. മികച്ച പാർലമെൻ്ററി പ്രവർത്തനവും ആഴത്തിലുള്ള പഠനവും ആത്മാർത്ഥമായ ഇടപെടലുമുള്ള ജനകീയനായ ജനപ്രതിനിധിയാണ് വി.ഡി സതീശനെന്ന് ബൽറാം ഫേസ്ബുക്കിൽ കുറിച്ചു.

കേരളത്തിൻ്റെ ജനാധിപത്യ മനസ്സാക്ഷിയുടെ പുതിയ നായകനായ വി.ഡി സതീശന് അഭിനന്ദനങ്ങൾ. സതീശന് ആശംസകൾ അർപ്പിച്ചുകൊണ്ട് ബൽറാം എഴുതി.

അതേസമയം ദിവസങ്ങള്‍ നീണ്ട ചര്‍ച്ചകള്‍ക്കൊടുവിലാണ് സതീശനെ പ്രതിപക്ഷ നേതാവായി കോൺഗ്രസ്സ് തെരഞ്ഞെടുത്തത്. രമേശ് ചെന്നിത്തല പ്രതിപക്ഷ നേതാവാകാന്‍ ശക്തമായി രംഗത്ത് വന്നെങ്കിലും കേരളത്തില്‍ നിന്നുള്ള എം.പിമാരുടെ പിന്തുണയാണ് സതീശന് തുണയായത്. തലമുറ മാറ്റം വേണമെന്ന ആവശ്യം രാഹുല്‍ ഗാന്ധി സ്വീകരിച്ചതോടെ സതീശന് നറുക്ക് വിഴുകയായിരുന്നു. പിന്നാലെ ഹൈക്കമാന്‍ഡ് തീരുമാനം മല്ലികാര്‍ജ്ജുന്‍ ഖാര്‍ഗെ സംസ്ഥാന ഘടകത്തെ അറിയിച്ചു.

വി.ടി ബൽറാമിന്റെ ഫേസ്ബുക് കുറിപ്പിന്റെ പൂർണരൂപം

മികച്ച പാർലമെൻ്ററി പ്രവർത്തനം

ആഴത്തിലുള്ള പഠനം

ആത്മാർത്ഥമായ ഇടപെടൽ

ജനകീയനായ ജനപ്രതിനിധി

കേരളത്തിൻ്റെ ജനാധിപത്യ മനസ്സാക്ഷിയുടെ പുതിയ നായകൻ വി ഡി സതീശന് അഭിനന്ദനങ്ങൾ, വിജയാശംസകൾ