ആൺസുഹൃത്തുമായുള്ള ബന്ധം വിലക്കി; പൊലീസ് സ്റ്റേഷനിൽ ജീവനൊടുക്കാൻ ശ്രമിച്ച് യുവാവ്

കൊച്ചി: കടവന്ത്ര പൊലീസ് സ്റ്റേഷനിൽ യുവാവ് ആത്മഹത്യക്ക് ശ്രമിച്ചു. സ്റ്റേഷനിലെ ശുചിമുറിയിൽ കയറി ബെൽറ്റ് കഴുത്തിൽ കുരുക്കിയാണ് ആത്മഹത്യക്ക് ശ്രമിച്ചത്. ആൺസുഹൃത്തുമായുള്ള ബന്ധം വിലക്കിയതിന് പിന്നാലെയാണ് യുവാവിന്റെ ആത്മഹത്യാ ശ്രമം.

സ്റ്റേഷനിലുണ്ടായിരുന്ന പൊലീസുകാര്‍ ഉടൻ തന്നെ യുവാവിനെ രക്ഷപെടുത്തി ആശുപത്രിയിൽ എത്തിച്ചു. കോഴിക്കോട് സ്വദേശിയായ യുവാവ് എറണാകുളം പള്ളുരുത്തി സ്വദേശിയായ യുവാവുമായി ഒന്നരവര്‍ഷമായി അടുപ്പത്തിലായിരുന്നു. അടുത്തിടെ പള്ളുരുത്തി സ്വദേശിയായ യുവാവ് ബന്ധത്തിൽ നിന്ന് പിൻവാങ്ങുകയായിരുന്നു. പരാതിയുമായി എത്തിയ യുവാവ് ശുചിമുറിയിൽ പോയി ജീവനൊടുക്കാൻ ശ്രമിക്കുകയായിരുന്നുവെന്നാണ് പൊലീസ് പറയുന്നത്.