മട്ടാഞ്ചേരിയിൽ അവശേഷിക്കുന്ന ജൂതവംശജരിൽ ഒരാൾ കൂടി മരിച്ചു

കൊച്ചി: കൊച്ചി മട്ടാഞ്ചേരിയിൽ അവശേഷിക്കുന്ന രണ്ട് ജൂത വംശജരിൽ ഒരാൾ കൂടി മരിച്ചു. 88 കാരിയായ ക്യൂനി ഹലേഗയാണ് മരിച്ചത്. ഇന്ന് രാവിലെ ആറോടെയായിരുന്നു അന്ത്യം.

പ്രമുഖ വ്യവസായിയായിരുന്ന എസ്. കോഡറിന്റെ മകളും പരേതനായ എസ്.ഹലേഗയുടെ ഭാര്യ​യുമാണ്. 2012 മുതൽ 2018 വരെ പരദേശി സിനഗോഗിൻ്റെ വാർഡനും മാനേജിംഗ് ട്രസ്റ്റിയുമായിരുന്നു. ഫിയോണ, ഡേവിഡ് ഹലേഗ എന്നിവരാണ് മക്കൾ. സംസ്കാരം ഇന്ന് വൈകിട്ട് മൂന്നു മണിക്ക് മട്ടാഞ്ചേരി ജൂതസെമിത്തേരിയിൽ നടക്കും.