കേരളം ദേശീയ സീനിയര്‍ വോളി പുരുഷവിഭാഗം ഫൈനലില്‍
Update: 2018-04-28 10:26 GMT
റെയില്‍വേയ്‌സിനെയാണ് കേരളം ഫൈനലില്‍ നേരിടുക.
ദേശീയ സീനിയര്‍ വോളിബോള്‍ ചാമ്പ്യന്‍ഷിപ്പില്‍ പുരുഷ വിഭാഗത്തില്‍ കേരളം ഫൈനലില്‍. തമിഴ്‌നാടിനെ നേരിട്ടുള്ള സെറ്റുകള്‍ക്ക് പരാജയപ്പെടുത്തിയാണ് കേരളത്തിന്റെ ഫൈനല്‍ പ്രവേശം. സ്‌കോര്‍ 25-22, 30-28, 25-22.
റെയില്‍വേയ്‌സിനെയാണ് കേരളം ഫൈനലില്‍ നേരിടുക. കഴിഞ്ഞ തവണ റെയില്‍വേയ്‌സിനെ പരാജയപ്പെടുത്തിയാണ് കേരളം കിരീടം സ്വന്തമാക്കിയത്. വനിതാ വിഭാഗത്തിലും റെയില്‍വേയ്‌സ് തന്നെയാണ് കേരളത്തിന്റെ എതിരാളികള്‍. 9 വര്‍ഷം തുടര്‍ച്ചയായി റെയില്‍വേയ്‌സിനോട് പരാജയപ്പെട്ട കേരളം ഇത്തവണ കിരീടം സ്വന്തമാക്കാന്‍ കഴിയുമെന്ന പ്രതീക്ഷയിലാണ്. ഇന്ന് നടന്ന വനിതാ വിഭാഗം സെമിയില്‍ മഹാരാഷ്ട്രയെ തോല്‍പ്പിച്ചാണ് റെയില്‍വേസ് ഫൈനലില്‍ കടന്നത്.