യുഎസില്‍ മലയാളി ബാലികയുടെ തിരോധാനം; ദുരൂഹത തുടരുന്നു
യുഎസില്‍ മലയാളി ബാലികയുടെ തിരോധാനം; ദുരൂഹത തുടരുന്നു
കുട്ടിയെ കാണാതായെന്ന് പറയുന്ന സമയത്ത് വീട്ടില്‍ നിന്നും ഒരു വാഹനം പുറത്തുപോയെന്ന് പൊലീസിന് സൂചന ലഭിച്ചു.
അമേരിക്കയില്‍ മലയാളി ബാലികയെ കാണാതായ സംഭവത്തില്‍ ദുരൂഹത തുടരുന്നു. അതേസമയം കുട്ടിയെ കാണാതായെന്ന് പറയുന്ന സമയത്ത് വീട്ടില്‍ നിന്നും ഒരു വാഹനം പുറത്തുപോയെന്ന് പൊലീസിന് സൂചന ലഭിച്ചു. പൊലീസിന് ലഭിച്ച ഈ സൂചന കുട്ടിയുടെ പിതാവിന്‍റെ മൊഴിയുമായി പൊരുത്തപ്പെടുന്നതല്ല. സമീപത്തെ വീടുകളില്‍ നിന്നും കെട്ടിടങ്ങളില്‍ നിന്നും സിസിടിവി ദൃശ്യങ്ങള്‍ ശേഖരിച്ച് ഇക്കാര്യം ഉറപ്പുവരുത്താനാണ് പൊലീസിന്‍റെ നീക്കം.
എറണാകുളം സ്വദേശി വെസ്ലി മാത്യുവും ഭാര്യ സിനിയും ദത്തെടുത്ത ഷെറിന്‍ എന്ന മൂന്ന് വയസ്സുകാരിയെയാണ് ടെക്സാസിലെ വീട്ടില്‍ നിന്നും കാണാതായത്. പാല്‍ കുടിക്കാത്തതിന് ശിക്ഷയായി കുട്ടിയെ രാവിലെ മൂന്ന് മണിക്ക് വീടിന് പുറത്തുനിര്‍ത്തിയെന്നും 15 മിനിട്ട് കഴിഞ്ഞ നോക്കിയപ്പോള്‍ കാണാനില്ലായിരുന്നുവെന്നുമാണ് വെസ്ലി മാത്യു മൊഴി നല്‍കിയത്.
സംഭവത്തില്‍ വെസ്ലി മാത്യുവിനെ പൊലീസ് അറസ്റ്റ് ചെയ്തെങ്കിലും പിന്നീട് ജാമ്യത്തില്‍ വിടുകയായിരുന്നു. വെസ്‍ലിയുടെ പാസ്പോര്‍ട്ട് പൊലീസ് പിടിച്ചുവെച്ചിരിക്കുകയാണ്.
Adjust Story Font
16
