ഇറാനുമേല്‍ കൂടുതല്‍ നടപടിക്ക് അമേരിക്കയ്ക്കുമേല്‍ ഗള്‍ഫ് രാജ്യങ്ങളുടെ സമ്മര്‍ദം

ആണവ കരാറിൽ നിന്ന്​ യൂറോപ്യൻ യൂനിയനെ പിന്തിരിപ്പിക്കാനുള്ള ട്രംപ്​ ഭരണകൂട നീക്കം പക്ഷെ, വിജയം കണ്ടില്ല. എന്നാൽ ആണവ ഇറാനെ കുറിച്ച ആശങ്ക ഗൾഫ്​ മേഖലയിൽ പടർത്തുന്നതിൽ യു.എസ്​ വിജയിക്കുകയാണ്​. 

ഇറാനെതിരെ കൂടുതൽ കടുത്ത നടപടികൾ കൈക്കൊള്ളാൻ ​അമേരിക്കക്കു മേൽ സൗദി ഉൾപ്പെടെ ഗൾഫ്​ രാജ്യങ്ങളുടെ സമ്മർദം. സൗദി കിരീടാവകാശി മുഹമ്മദ്​ ബിൻ സൽമാ​ന്‍റെ ​അമേരിക്കൻ സന്ദർശനം നടക്കാനിരിക്കെ, ഗൾഫ്​ മേഖലയിൽ തങ്ങളുടെ ഭാവിപദ്ധതികൾ സംബന്​ധിച്ച്​ ട്രംപ്​ ഭരണകൂടം പ്രഖ്യാപനം നടത്തുമെന്നാണ്​ റിപ്പോർട്ട്​.

സിറിയ, യെമൻ, ലബനാൻ എന്നിവിടങ്ങളിലെ ഇടപെടലും ഇറാഖ്​ തെരഞ്ഞെടുപ്പ്​ അട്ടിമറിക്കാനും ഇറാൻ നീക്കം നടത്തുന്നു എന്നാരോപിച്ചാണ്​ അമേരിക്കയുടെ പുതിയ പടനീക്കം. ആണവ കരാറിൽ നിന്ന്​ യൂറോപ്യൻ യൂനിയനെ പിന്തിരിപ്പിക്കാനുള്ള ട്രംപ്​ ഭരണകൂട നീക്കം പക്ഷെ, വിജയം കണ്ടില്ല. എന്നാൽ ആണവ ഇറാനെ കുറിച്ച ആശങ്ക ഗൾഫ്​ മേഖലയിൽ പടർത്തുന്നതിൽ യു.എസ്​ വിജയിക്കുകയാണ്​.

ഇറാൻ ആണവ വികസനം നടത്തിയാൽ തങ്ങളും അതേ മാർഗം സ്വീകരിക്കുമെന്ന സൗദി കിരീടാവകാശി മുഹമ്മദ്​ ബിൻ സൽമാന്‍റെ പ്രഖ്യാപനം ഇതി​ന്‍റെ പ്രത്യക്ഷ തെളിവാണ്​. ഔദ്യോഗികമായി നിഷേധിക്കുന്നു​ണ്ടെങ്കിലും പശ്​ചിമേഷ്യയിൽ ആണവായുധം സ്വന്തമായുള്ളത്​​ ഇസ്രായേലിനു മാത്രമാണ്​. ഇറാൻ ആണവഭീതി ചൂണ്ടിക്കാട്ടി മറ്റു രാജ്യങ്ങളും രംഗത്തു വരുമെന്ന്​ ചൂണ്ടിക്കാട്ടി വൻശക്​തി രാജ്യങ്ങളുടെ പിന്തുണ ഉറപ്പാക്കാനാവും ഇനി ട്രംപി​ന്‍റെ നീക്കം.

ഈ മാസം 20നാണ്​ സൗദി കിരീടാവകാശി വൈറ്റ്​ഹൗസിൽ ട്രംപുമായി ചർച്ച നടത്തുക. ബ്രിട്ടൻ, ഈജിപ്​ത്​ സന്ദർശനത്തി​ന്‍റെ തുടർച്ചയെന്ന നിലക്കാണ്​ സൗദി കിരീടാവകാശിയുടെ അമേരിക്കൻ പര്യടനം.

ഒമ്പതര മാസം പിന്നിട്ട ഖത്തർ പ്രതിസന്​ധി പരിഹാരവുമായി ബന്​ധപ്പട്ട സുപ്രധാന ചർച്ചക്കും സാധ്യത കൂടുതലാണ്​. യെമനിൽ ഹൂത്തികൾക്കെതിരെ തുടരുന്ന യുദ്ധത്തിലും സിറിയയിലെ സംഘർഷത്തിലും ട്രംപ്​ ഭരണകൂടം സ്വീകരിക്കാൻ പോകുന്ന റോളിനെ കുറിച്ച ചിത്രവും മുഹമ്മദ്​ ബിൻ സൽമാനുമായുള്ള ചർച്ചയോടെ വ്യക്​തമാകും.