മുണ്ടക്കൈ ദുരന്തം; മരിച്ചവരുടെ എണ്ണം 126 ആയി

മുഖ്യമന്ത്രിയുടെ അറിയിപ്പ്

വയനാടിലെ ദുരിത ബാധിതര്‍ക്ക് ദുരിതാശ്വാസ സഹായം നൽകാൻ ആഗ്രഹിക്കുന്നവര്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് ലഭ്യമാക്കുക. ദുരിത ബാധിതര്‍ക്ക് എല്ലാ സഹായവും സര്‍ക്കാര്‍ നല്‍കുന്നത് മുഖ്യമന്ത്രിയുടെ ദുരിതാശ്വാസ നിധിയിലൂടെ ആയിരിക്കും നൽകുക.

ഔദ്യോഗിക ദുരിതാശ്വാസ പ്രവര്‍ത്തകര്‍ അല്ലാത്തവര്‍ ആരും വയനാടിലേക്ക് പോകരുത്. മറ്റുള്ളവര്‍ പോയാല്‍ പ്രാദേശിക സാഹചര്യം കാരണം വഴിയില്‍ തടയുവാന്‍ സാധ്യത ഉണ്ട്.

എന്തെങ്കിലും സാഹചര്യത്തില്‍ ദുരിതാശ്വാസ സഹായമായി വസ്തുക്കള്‍ വാങ്ങിയവര്‍ അതാത് ജില്ലയിലെ കളക്ടറേറ്റില്‍ 1077 എന്ന നമ്പറിൽ അറിയിക്കുക. ജില്ലാ കളക്ടറേറ്റില്‍ ഇവ ശേഖരിക്കുവാന്‍ സംവിധാനം ഒരുക്കും. പഴയ വസ്തുകള്‍ എത്തിക്കരുത്. അവ സ്വീകരിക്കില്ല.

പുതുതായി ആരും ഒന്നും ഇപ്പോൾ വാങ്ങേണ്ടതില്ല. ആവശ്യം ഉണ്ടെങ്കില്‍ ദുരന്ത നിവാരണ അതോറിറ്റി അറിയിക്കും.

ഹെലികോപ്ടർ എത്തി; എയർലിഫ്റ്റ് തുടങ്ങി

ഇന്ത്യൻ എയർഫോഴ്സിന്റെ ഹെലികോപ്ടർ ചൂരൽമല പ്രദേശത്ത് എത്തി. ഇവിടെ കുടുങ്ങിക്കിടക്കുന്നവരെ എയർലിഫ്റ്റ് ചെയ്ത് ആശുപത്രികളിലേക്കും മറ്റു സുരക്ഷിത കേന്ദ്രങ്ങളിലേക്കും മാറ്റാൻ ആരംഭിച്ചിട്ടുണ്ട്. 

പി.എസ്.സി പരീക്ഷകൾ മാറ്റി

തിരുവനന്തപുരം: കാലവർഷ ദുരന്തത്തിന്റെ പശ്ചാത്തലത്തിൽ ജൂലൈ 31 മുതൽ ആഗസ്റ്റ് രണ്ട് വരെയുള്ള പി.എസ്.സി പരീക്ഷകൾ മാറ്റിവെച്ചു. മലപ്പുറം, തൃശൂർ ജില്ലകളിലെ അഭിമുഖങ്ങളും മാറ്റി.

മറ്റു ജില്ലകളിലെ അഭിമുഖങ്ങൾക്ക് മാറ്റമില്ല. ദുരന്തബാധിത പ്രദേശങ്ങളിൽനിന്ന് അഭിമുഖത്തിന് പ​ങ്കെടുക്കാൻ കഴിയാത്തവർക്ക് മറ്റൊരു അവസരം നൽകും.

ബുധനാഴ്ച നടത്താൻ നിശ്ചയിച്ചിരുന്ന സാങ്കേതിക വിദ്യാഭ്യാസ വകുപ്പ് സൂപ്രണ്ട് പരീക്ഷ ആഗസ്റ്റ് 9ന് നടത്തും. മറ്റു പരീക്ഷകളുടെ പുതുക്കിയ തീയതികൾ പിന്നീട് അറിയിക്കും.

ഇടുക്കിയിലെ മലയോര മേഖലകളിൽ രാത്രിയാത്രക്ക് നിരോധനം

ഇടുക്കി ജില്ലയിലെ മലയോര മേഖലകളിൽ രാത്രിയാത്രക്ക് നിരോധനം. വിനോദ സഞ്ചാര കേന്ദ്രങ്ങളിൽ പ്രവേശനം നിരോധിച്ചു. ജല വിനോദനങ്ങൾക്കും ട്രക്കിങ്ങിനും അനുമതിയില്ല.

ദുരന്തനിവാരണ ചുമതലയുള്ള ഉദ്യോഗസ്ഥർ ജില്ല വിട്ടുപോകരുതെന്നും നിർദേശം. അലെർട്ടുകൾ പിൻവലിക്കും വരെ നിയന്ത്രണം തുടരുമെന്നും ജില്ലാ കലക്ടർ വ്യക്തമാക്കി.

മലപ്പുറം ജില്ലയിലെ മുഴുവൻ വിദ്യാഭ്യാസ സ്ഥാപനങ്ങൾക്കും നാളെ അവധി

മലപ്പുറം: ജില്ലയിലെ പ്രൊഫഷണൽ കോളജുകൾ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും ജില്ലാ കലക്ടർ വി.ആർ. വിനോദ് നാളെയും (31.07.24 ബുധൻ) അവധി പ്രഖ്യാപിച്ചു.

അങ്കണവാടികൾ, മദ്രസകൾ, ട്യൂഷൻ സെന്ററുകൾ എന്നിവക്കെല്ലാം അവധി ബാധകമാണ്.

‘ഒരു വീട്ടിൽനിന്ന് നാല് മൃതദേഹങ്ങൾ കിട്ടി’

‘ഒരു വീട്ടിൽനിന്ന് നാല് മൃതദേഹങ്ങൾ കിട്ടി, ബാക്കി വീടുകളിലും ഇതുപോലെയുണ്ടാകും’ -  സ്റ്റോറി വായിക്കാം 

ചൂരൽമലയിലെ രക്ഷാപ്രവർത്തനത്തിന് പ്രതികൂല കാലാവസ്ഥ

ഇരുട്ടാകുന്നു, കോടമഞ്ഞും; ചൂരൽമലയിലെ രക്ഷാപ്രവർത്തനത്തിന് പ്രതികൂല കാലാവസ്ഥ 

വീഡിയോ സ്റ്റോറി കാണാം 

ഹൃദയഭേദകം, ഒരു പ്രദേശം മുഴുവൻ ഇല്ലാതായി: മുഖ്യമന്ത്രി

വയനാട്ടിലെത് ഹൃദയഭേദകമായ ദുരന്തമെന്ന് മുഖ്യമന്ത്രി പിണറായി വിജയൻ. അതിതീവ്രമഴയാണ് ഉണ്ടായത്. ഇതുവരെ 93 പേർ മരിച്ചു. ഇതിൽ ഇനിയും മാറ്റങ്ങളുണ്ടാകും. ചികിത്സയിലുള്ളത് 128 പേരാണ്. എല്ലാവരും ഉറങ്ങിക്കിടക്കുമ്പോഴാണ് ദുരന്തമുണ്ടായത്. ഒട്ടേറെ പേർ ഒഴുകിപ്പോയി. നിലമ്പൂരിൽ 16 പേരുടെ മൃതദേഹങ്ങൾ കണ്ടെത്തി. 34 മൃതദേഹങ്ങൾ തിരിച്ചറിഞ്ഞു. 18 എണ്ണം ബന്ധുക്കൾക്ക് വിട്ടുകൊടുത്തു.

'ഇവിടെ നിറയെ വീടുകളായിരുന്നു, ഇപ്പോൾ ഒന്നുമില്ല... കൂറ്റൻ പാറക്കല്ലുകളും ചെളിയുമല്ലാതെ' -

'ഇവിടെ നിറയെ വീടുകളായിരുന്നു, ഇപ്പോൾ ഒന്നുമില്ല... കൂറ്റൻ പാറക്കല്ലുകളും ചെളിയുമല്ലാതെ' -

വീഡിയോ സ്റ്റോറി കാണാം 

മരിച്ചവരിൽ 37 പേരെ തിരിച്ചറിഞ്ഞു

മുണ്ടക്കൈയിലും ചൂരൽമലയിലും മരിച്ച 37 പേരെ തിരിച്ചറിഞ്ഞതായി അധികൃതർ. മരണം 89 ആയി ഉയർന്നു. സിഎച്ച്‌സി മേപ്പാടിയിലാണ് ഏറ്റവും കൂടുതൽ മൃതദേഹങ്ങൾ സൂക്ഷിച്ചിട്ടുള്ളത്.