തിരക്കഥാകൃത്ത് റാഫിയുടെ മകന്‍ മുബീന്‍ നായകനാകുന്നു; അരങ്ങേറ്റം നാദിര്‍ഷാ ചിത്രത്തില്‍

സംവിധായകനും തിരക്കഥാകൃത്തുമായ റാഫിയുടെ മകൻ മുബിൻ എം റാഫിയും അഭിനയ രംഗത്തേക്കെത്തുന്നു. നാദിർഷ സംവിധാനം നിർവഹക്കുന്ന 'സംഭവം നടന്ന രാത്രിയിൽ' എന്ന ചിത്രത്തിലാണ് മുബീൻ അരങ്ങേറ്റം കുറിക്കുന്നത്.

വിഷ്വൽ കമ്മ്യൂണിക്കേഷനിലും അഭിനയത്തിലും പരിശീലനം നേടിയ ശേഷമാണ് മുബീൻ തന്റെ ആദ്യ ചിത്രത്തിലേക്കെത്തുന്നത്. അനുപം ഖെയർ ഫിലിം ഇൻസ്റ്റിറ്റ്യൂട്ടിലായിരുന്നു മുബീന്റെ അഭിനയ പഠനം. റാഫിക്കൊപ്പം കോഡയറക്ടറായും മുബീൻ പ്രവർത്തിച്ചിട്ടുണ്ട്.

കലന്തൂർ എന്റർടെയിൻമെന്റ് നിർമിക്കുന്ന ചിത്രത്തിന് തിരക്കഥയൊരുക്കുന്നത് റാഫി തന്നെയാണ്. ടെലിവിഷൻ റിയാലിറ്റി ഷോകളിലൂടെ പിന്നണി ഗാനരംഗത്തേക്കെത്തിയ ഹിഷാം അബ്ദുൽ വഹാബാണ് ചിത്രത്തിന് സംഗീതമൊരുക്കുന്നത്. ദീപക് ഡി മേനോനാണ് ഛായാഗ്രഹണം. എഡിറ്റിംഗ് ഷമീർ മുഹമ്മദ്‌