ജിസിസി റോമിങ്​ നിരക്ക്​ കുറക്കാൻ നിർദേശം നൽകിയിരുന്നതായി ട്രാ

2015 സെപ്റ്റംബറിൽ നിശ്ചയിച്ച റോമിങ്​ നിരക്കുകളിൽ കുറവ്​ വരുത്താനാണ്​ നിർദേശം നൽകിയത്​

യുഎഇ ആസ്ഥാനമായി പ്രവർത്തിക്കുന്ന മൊബൈൽ സേവന കമ്പനികൾ ജി.സി.സി റോമിങ്​ നിരക്ക്​ കുറക്കാൻ നിർദേശം നൽകിയിരുന്നതായി ടെലികമ്യൂണിക്കേഷൻ നിയന്ത്രണ അതോറിറ്റി. 2015 സെപ്റ്റംബറിൽ നിശ്ചയിച്ച റോമിങ്​ നിരക്കുകളിൽ കുറവ്​ വരുത്താനാണ്​ നിർദേശം നൽകിയത്​.

ട്രായ് നൽകിയ നിർദേശപ്രകാരം ഏപ്രിൽ ഒന്ന്​ മുതൽ ജി.സി.സി രാജ്യങ്ങൾ സന്ദർശിക്കുന്ന യു.എ.ഇ മൊബൈൽ ഉപഭോക്താക്കളുടെ റോമിങ്​ നിരക്ക്​ ശരാശരി 18 ശതമാനം കുറഞ്ഞിട്ടുണ്ട്​. റോമിങ്​ നിരക്ക്​ ചട്ടങ്ങൾ പഠിക്കുന്നതിനായി ജി.സി.സി വർക്കിങ്​ ഗ്രൂപ്പ്​ യോഗങ്ങളിൽ സജീവമായി പങ്കെടുക്കുന്നതായി ട്രാ​ ഡയറക്ടര്‍ ജനറൽ ഹമദ്​ ഉബൈദ്​ ആൽ മൻസൂറി പറഞ്ഞു. ജി.സി.സി രാജ്യങ്ങളിലെ എല്ലാ മൊബൈൽ സേവന കമ്പനികളും റോമിങ്​ നിരക്ക്​ കുറച്ചാൽ മേഖലയിലും അന്താരാഷ്ട്ര തലത്തിലും ജി.സി.സി രാജ്യങ്ങൾക്ക്​ വലിയ നേട്ടമാകും. ഉപഭോക്​താക്കൾക്ക്​ സന്തോഷവും സംതൃപ്തിയും ലഭിക്കാനും മിതമായ നിരക്കിൽ ഗുണമേന്മയുള്ള സേവനം ലഭ്യമാക്കാനും ട്രാ പ്രയത്നിക്കുന്നതായും ഹമദ്​ ഉബൈദ്​ ആൽ മൻസൂറി കൂട്ടിച്ചേർത്തു. ട്രാ നിർദേശ പ്രകാരം ഏപ്രിൽ ഒന്ന്​ മുതൽ റോമിങ്​ നിരക്ക്​ കുറച്ചതായി ഇത്തിസലാത്ത്​ മൊബൈൽ ഫോൺ സേവന കമ്പനി അറിയിച്ചിരുന്നു. ബഹ്​റൈൻ, കുവൈത്ത്​, ഒമാൻ, ഖത്തർ, സൗദി അറേബ്യ രാജ്യങ്ങളിൽനിന്നുള്ള ഡാറ്റ ഉപയോഗം, യു.എ.ഇയിലേക്കുള്ള ഫോൺവിളി, എസ്​.എം.എസ്​ എന്നിവക്ക്​ 35 ശതമാനം വരെ നിരക്കിളവ്​ അനുവദിച്ചതായാണ്​ ഇത്തിസലാത്ത്​ വ്യക്​തമാക്കിയിരുന്നത്​. പ്രീ പെയ്ഡ്​വരിക്കാർക്കും പോസ്റ്റ്​ പെയ്ഡ്​ വരിക്കാർക്കും ആനുകൂല്യം ലഭിക്കുമെന്നും കമ്പനി അറിയിച്ചിരുന്നു.