ദോഹയില്‍ സര്‍ഗ്ഗസായാഹ്നം സംഘടിപ്പിച്ചു
Update: 2018-05-19 13:45 GMT
സ്‌കില്‍സ് ഡെവലപ്‌മെന്റ് സെന്ററില്‍ നടന്ന പരിപാടിയില്‍ കവിയും സാമൂഹ്യ പ്രവര്‍ത്തകനുമായ ശശി മാവിന്‍മൂട് കുട്ടികളുമായി സംവദിച്ചു
ഖത്തര്‍ സംസ്‌കൃതി കളിക്കൂട്ടത്തിന്റെ ആഭിമുഖ്യത്തില്‍ ദോഹയില്‍ സര്‍ഗ്ഗസായാഹ്നം സംഘടിപ്പിച്ചു. സ്‌കില്‍സ് ഡെവലപ്‌മെന്റ് സെന്ററില്‍ നടന്ന പരിപാടിയില്‍ കവിയും സാമൂഹ്യ പ്രവര്‍ത്തകനുമായ ശശി മാവിന്‍മൂട് കുട്ടികളുമായി സംവദിച്ചു.
കഥയും കവിതയുമായി ദോഹയിലെ പ്രവാസി കുരുന്നുകള്‍ക്ക് സര്‍ഗ്ഗവിരുന്നൊരുക്കിയത് സംസ്‌കൃതി ഖത്തറിനു കീഴിയുള്ള കളിക്കൂട്ടമാണ്. കവിയും സാമൂഹിക പ്രവര്‍ത്തകനുമായ ശശി മാവിന്‍മൂട് നേതൃത്വം നല്‍കിയ സര്‍ഗ്ഗ സായാഹ്നം കുട്ടികള്‍ക്ക് നവ്യാനുഭവമായി. സ്‌കില്‍സ് ഡെവലപ്‌മെന്റ് സെന്ററില്‍ നടന്ന പരിപാടിയില്‍ മലയാള ബാല സാഹിത്യം എന്ന വിഷയത്തിലാണ് കുട്ടികളുമായി അദ്ധേഹം സംവദിച്ചത്. സംസ്‌കൃതി പ്രവര്‍ത്തകരും വനിതാ വേദി കളിക്കൂട്ടം സംഘാടകരും പരിപാടിക്ക് നേതൃത്വം നല്‍കി . സംസ്‌കൃതി പ്രസിഡന്റ് എ. സുനില്‍ , ജനറല്‍ സെക്രട്ടറി വിജയകുമാര്‍ ,ബി ജു പി മംഗലം , അര്‍ച്ചന ഓമനക്കുട്ടന്‍ തുടങ്ങിയവര്‍ സംസാരിച്ചു. ശശി മാവിന്‍മൂടിനെ ചടങ്ങില്‍ ആദരിച്ചു.