ഐ.സി.എഫ് ദമ്മാം വിദ്യാർത്ഥികൾക്കായി വേനൽക്കാല പഠന ക്യാമ്പ് സംഘടിപ്പിച്ചു

ഐ.സി.എഫ് ദമ്മാം വേനൽക്കാല പഠന ക്യാമ്പ് സംഘടിപ്പിച്ചു. ഒന്ന് മുതൽ പ്ല്‌സ്ടു വരെയുള്ള ക്ലാസുകളിലെ വിദ്യാർത്ഥികളെ ഉൾപെടുത്തിയാണ് ക്യാമ്പ് സംഘടിപ്പിച്ചത്.

വിദ്യാർത്ഥികൾക്കും രക്ഷിതാക്കൾക്കും ക്യാമ്പ് ഒരുപോലെ ആവേശമായി. പരിപാടിയിൽ ഐ.സി.എഫ് സെൻട്രൽ പ്രസിഡന്റ് ശംസുദ്ദീൻ സഅദിയുടെ അധ്യക്ഷനായി. ഐ.സി.എഫ് ഇന്റർനാഷനൽ സെക്രട്ടറി സലീം പാലച്ചിറ ഉദ്ഘാടനം ചെയ്തു.

ടുഗെതർ ഫോർ എവർ, എക്‌സ്‌ചേഞ്ച് ഫീലിങ്ങ്‌സ്, ഐസ് ബ്രേക്കിങ്, ഫ്രീഡം ഈസ് ലൈഫ്, ഫൺ ആൻഡ് ഗൈൻ, വൈൻഡ് അപ്പ് വിത്ത് വിൻ എന്നീ പാഠ്യ-പാഠ്യേതര സെഷനുകൾക്ക് മുഹമ്മദ് അമാനി, ഹസീബ് മിസ്ബാഹി(ക്രിയേറ്റിവ് സ്‌കൂൾ) മുസ്ഥഫ മുക്കൂട്, അഹമ്മദ് നിസാമി, ഷംനാദ് (ക്രിയേറ്റിവ് സ്‌കൂൾ) ഹംസ സഅദി, സലീം ഓലപീടിക, ഹംസ ഏളാട്, മുനീർ തോട്ടട എന്നിവർ നേതൃത്വം നൽകി.

സമാപന സംഗമത്തിൽ അബ്ദുൽ ബാരി നദ്‌വി, അശ്‌റഫ് കരുവം പൊയിൽ, സൈനുദ്ധീൻ അഹ്‌സനി, സലിം സഅദി, റമളാൻ മുസ്ല്യാർ എന്നിവർ സംസാരിച്ചു. വിജയിച്ച വിദ്യാർത്ഥികൾക്കുള്ള സമ്മാനദാനം ഹർഷദ്, സിദ്ദീഖ്‌സഖാഫി ഉറുമി, അബ്ദുറഹ്‌മാൻ പുത്തനത്താണി, സെക്കീർ സഖാഫി, അബ്ദുറഹിമാൻ അഹ്‌സനി എന്നിവർ നിർവഹിച്ചു.