സൗദി കിഴക്കൻ പ്രവിശ്യ കോട്ടയം ജില്ലാ കൂട്ടായ്മക്ക് പുതിയ ഭാരവാഹികൾ

സൗദി കിഴക്കൻ പ്രവിശ്യയിലെ കോട്ടയം ജില്ലാ കൂട്ടായ്മ നൊറാക്കിന് പുതിയ ഭാരവാഹികളെ തെരഞ്ഞെടുത്തു. പ്രസിഡന്റായി പോൾ വർഗീസിനെയും ചെയർപേഴ്സൺ ആയി ഡോ. സിന്ധു ബിനുവിനെയും ജനറൽ സെക്രട്ടറിയായി ടി.എം ഷെരീഫ് ഖാനെയും ട്രഷറായി ജോയ് തോമസിനെയും തെരെഞ്ഞെടുത്തു.

എബ്രഹാം മാത്യു, ജോസഫ് മാത്യു, ബിജു മാത്യു(ഉപദേശക സമിതി), വിനോദ് കുമാർ ( വൈസ് പ്രസിഡന്റ്), ഡോ. പ്രിൻസ് മാത്യു (മെഡിക്കൽ കൺവീനർ), ബിനു പുരുഷോത്തമൻ ( പ്രോഗ്രാം കൺവീനർ), ഫൈസൽ താജുദ്ദീൻ (ജോ. സെക്രട്ടറി), സയ്ദ് അൻവർ (മീഡിയ കൺവീനർ) എന്നിവരാണ് മറ്റു ഭാരവാഹികൾ.

യോഗത്തിൽ പോൾ വർഗീസും ഡോ. സിന്ധുവും സംഘടനയുടെ പ്രവർത്തനങ്ങളെ കുറിച്ച് വിശിദീകരിച്ചു. വിദ്യാഭ്യാസപരമായും സാമൂഹികപരമായും സമൂഹത്തിന് നന്മ പകരുന്ന സംഘടനയായി നൊറാക്കിനെ ഉയർത്തി കൊണ്ടുവരാനും കൂടുതൽ അംഗങ്ങളെ ഉൾക്കൊള്ളിച്ചുകൊണ്ട് കൂട്ടായ്മയെ വിപുലീകരിക്കാനും യോഗത്തിൽ തീരുമാനിച്ചു. ഷെരീഫ് ഖാൻ സ്വാഗതവും ജോയ് തോമസ് നന്ദിയും പറഞ്ഞു.