യു.എ.ഇ, ബഹ്റൈൻ സഹകരണം ശക്തമാക്കും; ബഹ്റൈൻ രാജാവിൻെറ സന്ദർശനം പൂർത്തിയായി

പരസ്പര ബന്ധം ഊട്ടിയുറപ്പിക്കുന്നതിന്​ എല്ലാ മേഖലകളിലും സഹകരണം വിപുലപ്പെടുത്താൻ യു.എ.ഇയും ബഹ്​റൈനും തമ്മിൽ ധാരണ. ത്രിദിന പര്യടനത്തിനു ശേഷം ബഹ്​റൈൻ രാജാവ്​ ഹമദ്​ ബിൻ ഈസ ആൽ ഖലീഫ അബൂദബിയിൽ നിന്ന്​ മടങ്ങി. ഗൾഫ്​ മേഖലയുടെ സുരക്ഷ ഉൾ​പ്പെടെയുള്ള കാര്യങ്ങളിൽ ഇരു രാജ്യങ്ങളും യോജിച്ച പ്രവർത്തനം നടത്തും.

Full View

യു.എ.ഇ പ്രസിഡൻറ്​ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാനുമായി ബഹ്​റൈൻ രാജാവ്​ ​ഹമദ്​ ബിൻ ഈസ ആൽ ഖലീഫ വിശദമായ ചർച്ച നടത്തി. ഇരു രാജ്യങ്ങളും തമ്മിലുള്ള തന്ത്രപ്രധാനസഹകരണം മേഖലയുടെ പൊതുവായ സുരക്ഷയിൽ ഏറെ നിർണായകമാണെന്ന്​ ഇരു നേതാക്കളും അഭിപ്രായപ്പെട്ടു. എല്ലാ മേഖലയിലും ഇരു രാജ്യങ്ങളും സഹകരിക്കേണ്ടതി​െൻറ ആവശ്യകതയും ചർച്ചയായി. വിജയകരമായിരുന്നു യുഎ.ഇ സന്ദർശനമെന്ന്​ അബൂദബിയിൽ നിന്ന്​ മടങ്ങ​ും മുമ്പ്​ ബഹ്​റൈൻ രാജാവ്​ പറഞ്ഞു. മേഖലയുടെ സുരക്ഷക്കും പുരോഗതിക്കുമായി യു.എ.ഇ പ്രസിഡൻറി​െൻറ നേതൃത്വത്തിൽ നടക്കുന്ന പ്രവർത്തനങ്ങളെ ബഹ്​റൈൻ രാജാവ്​ പ്രകീർത്തിച്ചു. ഇറാൻ ആണവ കരാർ, ഇസ്രായേൽ ബന്​ധം ഉൾപ്പെടെയുള്ള വിഷയങ്ങളും ചർച്ചയിൽ കടന്നുവന്നു. യു.എ.ഇ ഉപപ്രധാനമന്ത്രിയും പ്രസിഡൻഷ്യൽ കോടതി മന്ത്രിയുമായ ശൈഖ്​ മൻസൂർ ബിൻ സായിദ്​ ആൽ നഹ്​യാൻ, അബൂദബി എക്​സിക്യൂട്ടീവ്​ കൗൺസിൽ അംഗം ശൈഖ്​ ഖാലിദ്​ ബിൻ മുഹമ്മദ്​ ബിൻ സായിദ്​ തുടങ്ങിയവരും ചർച്ചകളിൽ സന്നിഹിതരായിരുന്നു.