ഐ.പിഎൽ മുന്നൊരുക്കം സജീവം; ഇന്ത്യൻ താരങ്ങൾ യു.എ.ഇയിൽ എത്തി

വിരാട്​ കോഹ്‍ലി ഉൾപ്പെടെയുള്ള ഇന്ത്യൻ താരങ്ങൾ യു.എ.ഇയിൽ എത്തി. ഐ.പി.എൽ മുന്നൊരുക്കങ്ങളുടെ ഭാഗമായാണ്​ താരങ്ങൾ എത്തിയത്..കോവിഡ്​ പ്രത്രിസന്ധി മറികടന്ന്​ യു.എ.ഇയിലെ കായിക മേഖല വരും ദിവസങ്ങളിൽ സജീവമാകുമെന്നാണ് പ്രതീക്ഷ. 

ഇന്ത്യ- ഇംഗ്ലണ്ട്​ അവസാന ടെസ്​റ്റ്​ റദ്ദാക്കിയത് ​ ഐ.പി.എലിന്​ വേണ്ടിയാണെന്ന ആരോപണം സജീവമായിരിക്കെയാണ്​ ഇന്ത്യൻ നായകൻ വിരാട്​ കോഹ്​ലി ഉൾപെടെയുള്ള താരങ്ങൾ യു.എ.ഇയിലെത്തിയത്​. കോഹ്​ലിക്ക്​ പുറമെ ഉപനായകനും മുംബൈ താരവുമായ രോഹിത്​ ശർമ, ജാസ്​പ്രിത്​ ബൂംറ, സൂര്യകുമാർ യാദവ്​, ബാംഗ്ലൂർ താരം മുഹമ്മദ്​ സിറാജ്​ എന്നിവരാണ്​ എത്തിയത്​. രോഹിതും സൂര്യകുമാറും കുടുംബ സമേതമാണ്​ എത്തിയത്​. മുംബൈ ടീം അംഗങ്ങൾ അബൂദബിയിലും ബാംഗ്ലൂർ ടീം ദുബൈയിലുമാണ്​ വിമാനമിറങ്ങിയത്​. പ്രത്യേകം ചാർട്ട്​ ചെയ്​ത വിമാനങ്ങളിലായിരുന്നു യാത്ര. ആറ്​ ദിവസത്തെ ക്വാറൻറീന്​ ശേഷം താരങ്ങൾ പരിശീലനത്തിന്​ കളത്തിലിറങ്ങും. സെപ്​റ്റംബർ 19 മുതലാണ്​ ഐ.പി.എൽ. യാത്രക്ക്​ മുൻപും യു.എ.ഇയിൽ എത്തിയ ശേഷവും നടത്തിയ​ കോവിഡ്​ പരിശോധന ഫലം നെഗറ്റീവ്​ ആയിരുന്നു.