മസ്‍തിഷ്‍കാഘാതം എങ്ങനെ നേരത്തെ തിരിച്ചറിയാം?

രക്തയോട്ടത്തിലെ തടസ്സം നിമിത്തം തലച്ചോറിൽ ഉണ്ടാകുന്ന രോഗാവസ്ഥയാണു മസ്തിഷ്കാഘാതം (സ്ട്രോക്ക്). സാധാരണയായി 65 വയസിനു മുകളിലുള്ളവരിലാണു കണ്ടുവരുന്നത്. എന്നാൽ ഇന്ത്യയുൾപ്പെടെ ഏഷ്യൻ രാജ്യങ്ങളിൽ യുവാക്കളിലും ഇപ്പോൾ മസ്‍തിഷ്‍കാഘാതം വ്യാപകമായിരിക്കുകയാണ്.

 മസ്‍തിഷ്‍കാഘാതം രണ്ടു തരം

• ഇസ്കീമിക് സ്ട്രോക്ക്: തലച്ചോറിലേക്കുള്ള രക്തക്കുഴലുകൾ അടഞ്ഞു പോകുമ്പോൾ ഉണ്ടാകുന്ന തടസ്സം.
• ഹെമറേജിക് സ്ട്രോക്ക്: തലച്ചോറിലേക്കുള്ള രക്തക്കുഴലുകൾ പൊട്ടി രക്തം തലച്ചോറിൽ വ്യാപിക്കുന്നു.

സ്ട്രോക് തിരിച്ചറിയുന്നതിനുള്ള മൂന്ന് ലഘുപരിശോധനകള്‍ ഉണ്ട്. അത് വഴി എളുപ്പം രോഗം കണ്ടെത്താം. ഫാസ്റ്റ് (FAST) എന്ന ചുരുക്ക പേര് ഓർക്കുക..

Face : ചിരിക്കാന്‍ ആവശ്യപ്പെടുക. ഒരു വശം ചരിഞ്ഞുപോകുന്നുണ്ടോ എന്നു നോക്കുക.

Arm: ഇരുകൈയും ഉയര്‍ത്തുമ്പോള്‍ ഒരു കൈ താഴേക്കു വീണുപോകുക.

Speech: സംസാരിക്കാന്‍ പറയുക. ഒരു വാക്യം മുഴുവനായി ആവര്‍ത്തിക്കാന്‍ കഴിയുന്നുണ്ടോ എന്ന് നോക്കുക.

Time: സമയം നിര്‍ണായകമാണെന്നു മനസ്സിലാക്കി ഉടന്‍ വിദഗ്ധ ഡോക്ടറെ സമീപിക്കുക. 3 മണിക്കൂറിനകം ചികിത്സ തുടങ്ങിയിരിക്കണം.

കടപ്പാട്: ഡോ.ഡാനിഷ് സലിം