ജമ്മു കശ്മീരിലേക്ക് നുഴഞ്ഞുകയറാൻ ശ്രമിച്ച ഭീകരരെ വധിച്ച് സൈന്യം

ശ്രീനഗർ: ജമ്മു കശ്മീരിലെ കുപ് വാരായിൽ നുഴഞ്ഞുകയറിയ രണ്ട് ഭീകരരെ സേന വധിച്ചു. മച്ചിൽ സെക്ടറിലാണ് ഭീകരരെ വധിച്ചത്. ത്രിലയിൽ ഭീകരരുടെ ഒളിത്താവളം സൈന്യം തകർത്തു. മേഖലയിൽ സേനയുടെ ഏറ്റുമുട്ടൽ തുടരുകയാണ്.

പൊലീസിനും സുരക്ഷാ സേനക്കും കഴിഞ്ഞ ദിവസങ്ങളിൽ ലഭിച്ച രഹസ്യവിവരത്തിന്‍റെ അടിസ്ഥാനത്തിൽ നടത്തിയ തെരച്ചിലിലാണ് ഭീകരരെ വധിച്ചത്. ഭീകരരിൽ നിന്ന് ആയുധങ്ങളും മറ്റും കണ്ടെടുത്തിട്ടുണ്ട്.