എറണാകുളത്ത് പാത ഇരട്ടിപ്പിക്കല്‍: തീവണ്ടികളുടെ സമയക്രമത്തില്‍ മാറ്റം
Update: 2018-04-09 03:06 GMT
ഈ മാസം 24, 25 തിയ്യതികളിലും ഒക്ടോബര്‍ ഒന്നിനും തീവണ്ടികള്‍ക്ക് നിയന്ത്രണമുണ്ടാകും
എറണാകുളം കുറുപ്പംപടി മുതല്‍ പിറവം വരെ പാത ഇരട്ടിപ്പ് നടക്കുന്നതിനാല്‍ തീവണ്ടികളുടെ സമയക്രമത്തില്‍ മാറ്റമുണ്ടാകുമെന്ന് റെയില്‍വെ അറിയിച്ചു. ഈ മാസം 24, 25 തിയ്യതികളിലും ഒക്ടോബര്‍ ഒന്നിനും തീവണ്ടികള്‍ക്ക് നിയന്ത്രണമുണ്ടാകും. ദീര്‍ഘദൂര ട്രെയിനുകള്‍ ഉള്‍പ്പെടെ ആലപ്പുഴ വഴിയാകും ഈ ദിവസങ്ങളില്‍ ഓടുക. പാസഞ്ചര്‍ ട്രയിനുകള്‍ റദ്ദാക്കുകയും ചിലത് വൈകി ഓടുകയും ചെയ്യും. യാത്രക്കാര്‍ ഇതിനനുസരിച്ച് യാത്രകള്‍ ക്രമീകരിക്കണമെന്ന് റയില്‍വെ അധികൃതര്‍ അറിയിച്ചു.