മൂന്നാര്‍ കയ്യേറ്റം: പരസ്പരം കുറ്റപ്പെടുത്തി വിഎസും ചെന്നിത്തലയും
Update: 2018-05-28 17:28 GMT
യുഡിഎഫ് സര്‍ക്കാരിന്‍റെ കാലത്ത് കയ്യേറ്റം നടക്കുമ്പോള്‍ രമേശ് ചെന്നിത്തല ഉറങ്ങുകയായിരുന്നോ എന്ന് വിഎസ്. വിഎസിന്‍റെ മൂന്നാര്‍ ദൌത്യം പരാജയപ്പെടുത്തിയത് സിപിഎം ആണെന്ന് ചെന്നിത്തല
മൂന്നാര്‍ കയ്യേറ്റത്തില്‍ പരസ്പരം കുറ്റപ്പെടുത്തി വി എസ് അച്യുതാനന്ദനും രമേശ് ചെന്നിത്തലയും. യുഡിഎഫ് സര്‍ക്കാരിന്‍റെ കാലത്ത് കയ്യേറ്റം നടക്കുമ്പോള്‍ രമേശ് ചെന്നിത്തല ഉറങ്ങുകയായിരുന്നോ എന്ന് വി എസ് അച്യുതാനന്ദന്‍ ചോദിച്ചു. വിഎസിന്‍റെ വിമര്‍ശം പിണറായിക്ക് നേരെയാണെന്നും വിഎസിന്‍റെ മൂന്നാര്‍ ദൌത്യം പരാജയപ്പെടുത്തിയത് സിപിഎം ആണെന്നും രമേശ് ചെന്നിത്തല പ്രതികരിച്ചു.
മൂന്നാറിലെ പുതിയ സാഹചര്യത്തെക്കുറിച്ച് വിശദീകരിച്ച വാര്‍ത്താ സമ്മേളനത്തിലാണ് വി എസ് അച്യുതാനന്ദന്‍ കോണ്‍ഗ്രസിനെ കുറ്റപ്പെടുത്തിയത്. എല്‍ഡിഎഫ് ഒഴിപ്പിച്ച ഭൂമി കയ്യേറിയത് യുഡിഎഫ് കാലത്താണെന്ന് വിഎസ് ആരോപിച്ചു. മൂന്നാര്‍ കയ്യേറ്റം തടയാന്‍ സര്‍ക്കാര്‍ സ്വീകരിക്കുന്ന നടപടികള്‍ പരാജയമാണെന്ന് രമേശ് ചെന്നിത്തല കുറ്റപ്പെടുത്തി.