ബി.ജെ.പി ബന്ധം പരസ്പരം ആരോപിച്ച് സി.പി.എമ്മും കോണ്‍ഗ്രസും
വടകരയില്‍ കെ.മുരളീധരന്‍റെ സ്ഥാനാര്‍ഥിത്വത്തിന് ശേഷമാണ് കോ - ലീ - ബി ബന്ധമെന്ന ആരോപണം സി.പി.എം ശക്തമാക്കിയത്.
Update: 2019-03-21 10:22 GMT
ബി.ജെ.പി ബന്ധം പരസ്പരം ആരോപിച്ച് സി.പി.എമ്മും കോണ്‍ഗ്രസും. യു.ഡി.എഫ് ആര്‍.എസ്.എസുമായും എസ്.ഡി.പി.ഐയുമായും സഖ്യമുണ്ടാക്കുന്നുവെന്ന് മുഖ്യമന്ത്രി പറഞ്ഞു. എന്നാല്‍ കേരളത്തില്‍ സി.പി.എം - ബി.ജെ.പി ബന്ധമാണെന്നായിരുന്നു രമേശ് ചെന്നിത്തലയുടെ മറുപടി.
വടകരയില്‍ കെ.മുരളീധരന്‍റെ സ്ഥാനാര്‍ഥിത്വത്തിന് ശേഷമാണ് കോ - ലീ - ബി ബന്ധമെന്ന ആരോപണം സി.പി.എം ശക്തമാക്കിയത്. ഇന്നലെ കോടിയേരിയും ഇന്ന് മുഖ്യമന്ത്രിയുമാണ് ആരോപണം ഉന്നയിച്ചത്. പരാജയഭീതി മൂലമാണ് സി.പി.എമ്മിന്‍റെ ആരോപണമെന്ന് ഉമ്മന്‍ചാണ്ടി പ്രതികരിച്ചു.
സി.പി.എം കാലഹരണപ്പെട്ട ആരോപണമാണ് ഉന്നയിക്കുന്നതെന്നായിരുന്നു വടകരയിലെ യു.ഡി.എഫ് സ്ഥാനാര്‍ഥി കെ മുരളീധരന്‍റെ പ്രതികരണം.