അരമണിക്കൂര്‍ രക്തം വാര്‍ന്ന് നടുറോഡില്‍; തിരുവനന്തപുരം മാറനല്ലൂരിൽ വാഹനാപകടത്തിൽ പെട്ട യുവാവിന് ദാരുണാന്ത്യം

തിരുവനന്തപുരം: തിരുവനന്തപുരം മാറനല്ലൂരിൽ വാഹനാപകടത്തിൽ പെട്ട യുവാവിന് ദാരുണാന്ത്യം. തിരുവനന്തപുരം പെരുങ്കടവിള സ്വദേശി വിവേക് ആണ് മരിച്ചത്. അപകടത്തിൽപ്പെട്ട് അരമണിക്കൂർ യുവാവ് റോഡിൽ കിടന്നു. ആംബുലൻസ് എത്തും വരെ പൊലീസും നാട്ടുകാരും കാഴ്ചക്കാരായി നിന്നെന്നും ആക്ഷേപമുണ്ട്.

ഞായറാഴ്ച രാത്രിയാണ് അപകടമുണ്ടായത്. 108 ആംബുലൻസ് സമരത്തിലായതിനാൽ മറ്റൊരു ആംബുലൻസ് വിളിക്കാനെടുത്ത കാലതാമസമെന്നാണ് പൊലീസ് വിശദീകരണം.

തിരുവനന്തപുരം ശ്രീകാര്യത്തുണ്ടായ അപകടത്തില്‍ കെഎസ്ആര്‍ടിസി ബസിടിച്ച് സ്കൂട്ടർ യാത്രികൻ മരിച്ചു. ശ്രീകാര്യം വെഞ്ചാവോട് സ്വദേശി സെൽവൻ (68) ആണ് മരിച്ചത്. ഇന്ന് പുലർച്ചെ അഞ്ചരയോടെയായിരുന്നു അപകടം. പാൽ വിൽപനക്കാരനാണ് സെൽവൻ. കോഴിക്കോട്ടേക്ക് പോയ ബസാണ് ഇടിച്ചത്.