മദ്യപിക്കുന്നതിനിടെ സംഘർഷം; മർദനമേറ്റ യുവാവ് മരിച്ചു

തൃശൂർ: തൃശൂരില്‍ മദ്യപിക്കുന്നതിനിടെയുണ്ടായ സംഘര്‍ഷത്തില്‍ മർദനമേറ്റ യുവാവ് മരിച്ചു. സുനാമി കോളനിയിൽ താമസിക്കുന്ന കാവുങ്ങൽ ധനേഷ് (36) ആണ് മരിച്ചത്. ശ്രീനാരായണപുരം പടിഞ്ഞാറെ വെമ്പല്ലൂരില്‍  ഇന്ന് ഉച്ചക്ക് രണ്ട് മണിയോടെയാണ് സംഭവം നടന്നത്. 

ധനേഷ് നാല് സുഹൃത്തുക്കളോടൊപ്പം വീട്ടിൽ വെച്ച് മദ്യപിക്കുന്നതിനിടെയാണ് സംഘർഷമുണ്ടായത്. വൈകിട്ട് അഞ്ചരയോടെ ധനേഷിനെ റോഡിൽ വീണ് കിടക്കുന്ന നിലയിലാണ് കണ്ടെത്തിയത്. പൊലീസ് എത്തി ആശുപത്രിയിലെത്തിച്ചെങ്കിലും മരിച്ചിരുന്നു. പോസ്റ്റ്‌മോർട്ടത്തിലേ മരണകാരണം വ്യക്തമാകൂവെന്നാണ് പൊലീസ് പറയുന്നത്.