കോഴിക്കോട്ട് കാണാതായ ഭിന്നശേഷിക്കാരനായ അഞ്ചുവയസുകാരനെ പുഴയിൽ മരിച്ച നിലയിൽ കണ്ടെത്തി

കോഴിക്കോട്: കോഴിക്കോട് ഫറോക്കില്‍ കാണാതായ ഭിന്നശേഷിക്കാരനായ അഞ്ചു വയസുകാരനെ പുഴയിൽ മരിച്ച നിലയിൽ കണ്ടെത്തി. മൂഴിക്കൽ ചാലിയത്ത് പറമ്പ് റജാസിന്റെ ഏക മകൻ ഗാനിം ആണ് മരിച്ചത്.

ഫറോക്ക് പേട്ടയിൽ ഉമ്മയുടെ വീട്ടിൽ വെച്ച് രാവിലെയാണ് ഗാനിമിനെ കാണാതായത്. രണ്ടുദിവസം മുന്‍പാണ് ഗാനിം ഉമ്മയുടെ വീട്ടിലെത്തിയത്. വീട്ടില്‍ കളിച്ചുകൊണ്ടിരിക്കെയാണ് ഗാനിമിനെ കാണാതായത്.  ഉച്ചയോടെ ഉമ്മയുടെ വീടിനോട് ചേര്‍ന്ന ചാലിയാർ പുഴയിൽ നിന്നാണ് കുട്ടിയെ  കണ്ടെത്തിയത്. പുഴയില്‍ പായലിന്‍റെ ഇടയില്‍ കുടുങ്ങിയ നിലയിലാണ് കുട്ടിയെ കണ്ടെത്തിയത്. സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.