ഒമ്പതു വയസുകാരിയെ പീഡിപ്പിച്ച കേസിലെ പ്രതിക്ക് ജീവിതാവസാനം വരെ തടവ്
കുട്ടിയെ സ്‌കൂളിൽ നിന്ന് വീട്ടിലേക്ക് വിളിച്ചുകൊണ്ടുവന്നിരുന്നത് അനിയുടെ വാഹനത്തിലായിരുന്നു. ഈ ഒരു വർഷത്തിനിടെയാണ് അനി പെൺകുട്ടിയെ പീഡനത്തിനിരയാക്കിയത്.
Update: 2022-04-07 11:24 GMT
തിരുവനന്തപുരം: ഒമ്പതു വയസുകാരിയെ പീഡിപ്പിച്ച കേസിലെ പ്രതിയെ ജീവിതാവസാനം വരെ തടവിന് ശിക്ഷിച്ചു. മണ്ണന്തല സ്വദേശി അനിയെയാണ് തിരുവനന്തപുരം അതിവേഗ കോടതി ശിക്ഷിച്ചത്. പീഡിപ്പിക്കപ്പെട്ട പെൺകുട്ടിയുടെ അച്ഛന്റെ സുഹൃത്താണ് അനി.
കുട്ടിയെ സ്‌കൂളിൽ നിന്ന് വീട്ടിലേക്ക് വിളിച്ചുകൊണ്ടുവന്നിരുന്നത് അനിയുടെ വാഹനത്തിലായിരുന്നു. ഈ ഒരു വർഷത്തിനിടെയാണ് അനി പെൺകുട്ടിയെ പീഡനത്തിനിരയാക്കിയത്. കുട്ടിക്ക് മയക്കുമരുന്ന് നൽകി തിരുവനന്തപുരം ആയുർവേദ കോളജിനടുത്ത് വെച്ച് പീഡിപ്പിച്ചു, ഒരു തവണ മയക്കുമരുന്ന് നൽകിയ ശേഷം സുഹൃത്തിനെക്കൂടി വിളിച്ചുവരുത്തി പീഡിപ്പിക്കാൻ ശ്രമിച്ചു തുടങ്ങിയ ഗുരുതര കുറ്റകൃത്യങ്ങളും പ്രതി ചെയ്തതായി കോടതി കണ്ടെത്തി.