ലഹരി കച്ചവടം പിടികൂടാനെത്തിയ പൊലീസിന് നേരെ കത്തി വീശി ആക്രമണം; പ്രതി പിടിയിൽ

തിരുവനന്തപുരം: ലഹരി കച്ചവടം പിടികൂടാനെത്തിയ പൊലീസ് സംഘത്തെ കത്തിയുമായി ആക്രമിച്ച പ്രതി പിടിയിൽ. OMR എന്നറിയപ്പെടുന്ന ഷമീം ആണ് പിടിയിലായത്.

കഠിനംകുളത്ത് ഞായറാഴ്ച രാത്രിയാണ് സംഭവം. വീടുവളഞ്ഞ് ഷമീമിനെ പിടികൂടുന്നതിനിടെ ഇയാൾ പൊലീസിനെ മർദ്ദിച്ച് രക്ഷപ്പെടാൻ ശ്രമിക്കുകയായിരുന്നു.

കഠിനംകുളം എസ്‌ഐ അനൂപ്, സിപിഒമാരായ അഭിലാഷ്, ഹാഷിം എന്നിവർക്ക് പരിക്കേറ്റു. കൂടുതൽ പൊലീസ് എത്തിയാണ് ഇയാളെ കീഴ്പെടുത്തിയത്.