നടുക്കടലില്‍ മലയാളി മലയാളി നേവി ഉദ്യോഗസ്ഥനെ കാണാതായി; പരാതിയുമായി കുടുംബം

മലപ്പുറം: മലയാളി മെർച്ചന്‍റ് നേവി ഉദ്യോഗസ്ഥനെ കപ്പലിൽനിന്നു കാണാതായതായി പരാതി. മലപ്പുറം പൂക്കോട്ടുംപാടം സ്വദേശി മനേഷ് കേശവദാസിനെയാണ് കാണാതായത്. അബുദാബിയിലെ ജബൽധാനയിൽനിന്ന് മലേഷ്യയിലേക്കുള്ള യാത്രയ്ക്കിടെയാണ് സംഭവം.

ലൈബീരിയൻ എണ്ണക്കപ്പലായ പത്മോസിന്റെ സെക്കന്റ് ഓഫീസറാണ് മനേഷ് കേശവദാസ്. അബുദാബിയിൽനിന്ന് മലേഷ്യയിലേക്കുള്ള യാത്രാമധ്യേ ഈ മാസം 11നാണ് ഇദ്ദേഹത്തെ കാണാതായത്. പുലർച്ചെ നാലിന് ഡ്യൂട്ടി കഴിഞ്ഞ ശേഷം വിശ്രമിക്കാനായി പോയതായിരുന്നു മനേഷ് കേശവദാസ്. പിന്നീട് ഇദ്ദേഹത്തെ കണ്ടിട്ടില്ലെന്നും ബന്ധപ്പെടാന്‍ കഴിഞ്ഞില്ലെന്നുമാണ് കപ്പൽ അധികൃതർ കുടുംബത്തെ അറിയിച്ചത്.

കടലിൽ തിരച്ചിൽ നടത്തിയെങ്കിലും കണ്ടെത്താനായിട്ടില്ല. ബോട്ടുകൾ ഉപയോഗിച്ച് തിരച്ചിൽ തുടരും. നിലവില്‍ കപ്പൽ അധികൃതരെ ബന്ധപ്പെടാൻ കഴിയാത്തതും കുടുംബത്തെ ആശങ്കയിലാക്കുന്നു. മനേഷിന്റ കുടുംബം കേന്ദ്രസർക്കാരിലും പൊലീസിനും പരാതി നൽകിയിട്ടുണ്ട്.

Summary: Malayali merchant navy officer is missing from the ship. Manesh Keshavdas, a native of Pookottumpadam, Malappuram, is missing from 11 October