മീഡിയവൺ അക്കാദമി അഭിനയ കളരി ക്യാമ്പിലേക്ക് അപേക്ഷ ക്ഷണിച്ചു
Update: 2024-03-01 06:26 GMT
കോഴിക്കോട്: മീഡിയവൺ അക്കാദമി സംഘടിപ്പിക്കുന്ന മൂന്ന് ദിവസത്തെ അഭിനയ പരിശീലന ക്യാമ്പിലേക്ക് അപേക്ഷ ക്ഷണിച്ചു. അഭിനയ കളരി ക്യാമ്പ് മാർച്ച് 8,9,10 തീയതികളിലായി മീഡിയവൺ അക്കാദമിയിൽ വെച്ച് നടക്കും. പ്രശസ്ത കാസ്റ്റിംഗ് ഡയറക്ടറും നടനുമായ അബു വളയങ്കുളമാണ് മുഖ്യ പരിശീലകൻ. സിനിമാ അഭിനയം സ്വപ്നമായി കൊണ്ടു നടക്കുന്നവർക്കും ഉള്ളിലെ അഭിനേതാവിനെ കൂടുതൽ മെച്ചപ്പെടുത്താൻ ആഗ്രഹിക്കുന്നവർക്കും ക്യാമ്പ് ഉപകരിക്കും. പതിനാല് മുതൽ നാൽപത് വയസ്സു വരെയുള്ളവർക്ക് അപേക്ഷിക്കാം. ആദ്യം അപേക്ഷിക്കുന്ന 35 പേർക്കാണ് അവസരം. താൽപര്യമുള്ളവർ താഴെക്കാണുന്ന വെബ്‌സൈറ്റിലെ ലിങ്കിൽ അപേക്ഷിക്കുക. കൂടുതൽ വിവരങ്ങൾക്ക് താഴെ കാണുന്ന നമ്പറിൽ ബന്ധപ്പെടുക.
Contact :- +91 8943 34 74 60 , +91 8943 34 74 00