പാലക്കാട് യുവതിയുടെ മരണം; ഭർത്താവും ഭർതൃമാതാവും അറസ്റ്റിൽ

പാലക്കാട്: പട്ടാമ്പി വല്ലപ്പുഴയിൽ യുവതി ജീവനൊടുക്കിയ സംഭവത്തിൽ ഭർത്താവും ഭർതൃമാതാവും അറസ്റ്റിൽ. അഞ്ജനയുടെ വീട്ടുകാർ നൽകിയ പരാതിയിലാണ് പട്ടാമ്പി പൊലീസ് കേസെടുത്തത്. സംഭവത്തിൽ ഭർത്താവ് എ.ആർ ബാബു, ഭർതൃമാതാവ് സുജാത എന്നിവരെയാണ് അറസ്റ്റ് ചെയ്തത്. ഗാർഹിക പീഡനം ആത്മഹത്യ പ്രേരണ എന്നീ വകുപ്പുകൾ ചുമത്തിയാണ് അറസ്റ്റ് രേഖപ്പെടുത്തിയിരിക്കുന്നത്. ഇവർ തന്നെ സ്ഥിരമായി മർദ്ദിക്കാറുണ്ടെന്ന് അഞ്ജന വീട്ടുകാരോട് പരാതിപ്പെട്ടിരുന്നു.

പതിയപ്പാറ വീട്ടിൽ അഞ്ജനയാണ് വല്ലപ്പുഴയിലെ ഭർതൃഗൃഹത്തിൽ ജീവനൊടുക്കാൻ‌ ശ്രമിച്ചത്. ഉടനെ ആശുപത്രിയിൽ എത്തിച്ചെങ്കിലും ചികിത്സ തുടരുന്നതിനിടെ 29 ന് പുലർച്ചെ മരിച്ചു.